Пятигорск епархием и архитектурно-ухуэныгъэ комиссэр Кисловодск благочинием
и члисэхэм щыIащ. Абы хэтащ благочиннэ щоджэн нэхъыжь Знаменский Иоанн, епархием
ухуэныгъэмкIэ и къудамэм и унафэщI щоджэн нэхъыжь Бондарчук Андрей, благочиннэм
ухуэныгъэмкIэ и дэIэпыкъуэгъу щоджэн нэхъыжь Украинцев Александр, епархием и
архитектор, хъумакIуэ Чечин Олег, епархием и складым и унафэщI Чечин Сергей.
Епархием ухуэныгъэмкIэ и къудамэм и унафэщI щоджэн нэхъыжь Бондарчук
Андрей, епархием и архитектор, хъумакIуэ Чечин Олег ухуэныгъэ лэжьыгъэхэм
зыхигъэгъуэзащ, благочинием и члисэхэм щекIуэкIхэм, зыхуеину чэнджэщхэри иратащ.
Комиссэр щыIащ Никольскэ соборым, Пантелеимоновскэ члисэм, апостол пэлъытэ
Нинэ и цIэр зрихьэу Кисловодск къалэм дэтым, Подкумок къуажэм и Троицкэ члисэм,
Зеленгорск щаухуэ Покров члисэм.
Никольскэ соборым и унафэщIым комиссэр хигъэгъуэзащ блыным и росписым.
Пантелеимоновскэ члисэм унафэщIыр щытепсэлъыхьащ яубзыхуа зэгъэпэщыжыныгъэ-
ухуэныгъэ лэжьыгъэхэм. Подкумок къуажэм и Троицкэ члисэм къащыпэщылъ
лэжьыгъэхэм теухуа чэнджэщхэр иратащ комиссэм хэтхэм.