2023 гъэм шыщхьэуIум и 7-м Пятигорскэ, Черкесскэ епархиехэм я члисэ
ухуэныгъэхэм щыIащ.
ЕссэнтIыгу къалэм и Троицкэ члисэм щоджэн нэхъыщхьэр щепсэлъащ унафэщI
щоджэн Галайчук Сергий. УнафэщIыр тепсэлъыхьащ члисэ блыныр роспись зэращIым.
Куполыр роспис ящIащ.
Щоджэн нэхъыщхьэр еплъащ щихъхэу Иоакимрэ Аннэрэ я цIэр зэрахьэу Санамер
къуажэм дэт члисэр зэрызэрагъэпэщыжым. Ухуэныгъэм и блынхэр ягъэбыдащ, купол
нэхъыщхьэм и ужь ихьащ.
ЕссэнтIыгу къалэм и Петропавловскэ члисэ ухуэныгъэм зыхуагъэхьэзыр
шыщхьэуIум и 30-м члисэ-кувуклие Тхьэм и Анэм и Успения цIэр зезыхьэр зыхуей
зэрыхуагъэзэжынум. Члисэ цIыкIур византий щIыкIэм тету ирагъэжьащ икIи Тхьэм и
Анэр щыщIалъхьэжа щIыпIэм ещхьщ.
Щихънагъыр епсэлъащ члисэм и ктитор Алексов Павел. ИужькIэ апостолхэу
Петррэ Павелрэ я цIэр зезыхьэ члисэ ухуэныгъэр зэрызэрагъэпэщыжым еплъащ. Члисэр
иджыпсту роспис ящI. Абы Пастыр нэхъыщхьэм хутепсэлъыхьащ тхьэнапэхэр
зыгъэхьэзыр къардэн Симаков Вячеслав. Апхуэдэу комплексым члисэм и IуплъапIэхэр
щызэрагъэпэщыж. Зэгъэпэщыжыныгъэхэм къытеувыIащ унафэщI щоджэн Гриценкэ
Виталий. Щоджэн нэхъыщхьэр тепсэлъыхьащ щоджэнхэмрэ ктиторхэмрэ я гъусэу
IуэхущIапIэр адэкIэ зэрызэрагъэпэщыжынум.
Георгиевскэ цIыхубз къулъшырыфым архиепископ Феофиакт игумение Варварэ
(Шурыгинэ) и гъусэу къулъшырыфым и Вознесенскэ соборым и ухуэныгъэм еплъащ, 2018
гъэм щэкIуэгъуэм и 16-м ирагъэжьар. Щоджэн нэхъыщхьэр еплъащ члисэ ухуэныгъэм,
Александро-Невскэ собор Болгарием – Софие щыIэм. Апхуэдэу щихънагъыр еплъащ
шхапIэм къулъшырыфым и хьэщIэщым, ар зэрырагъэпэщыжынум и гугъу ящIащ.
Ухуэныгъэ ут псоми архиепископ Феофилакт члисэ ухуакIуэхэм щехъуэхъуащ Тхьэр
къадэIэпыкъуну.