2023 гъэм бадзэуэгъуэм и 11-м Псыхуабэ, Черкесск щIыналъэхэм я архиепископ
Феофилакт щихъ Святогорец Паисий и цIэр зезыхьэ члисэ Петропавловскэ члисэ
комплекс ЕссэнтIыгу къалэм дэтым тхьэлъэIу щригъэкIуэкIащ. Щоджэн нэхъыщхьэм
къулыкъур драгъэкIуэкIащ члисэм и щоджэнхэм Пятигорскэ епархием ЕссэнтIыгу щиIэ
округым и благочиннэ щоджэн нэхъыжь Фещенкэ Стефанрэ къардээн нэхъыжь Кубэ
Димитрийрэ я пашэу. Пастыр нэхъыщхьэм и гъусэу Тхьэ елъэIуащ къалэм дэсхэмрэ
щIыналъэ лъапIэм Тхьэ елъэIуну кIуэхэмрэ. Щихънагъым апостол 11-м я къарум щыщ
Iыхьэхэр члисэм къихьащ, апостол Богослов Ианн щыщIалъхьэжа щIыпIэм деж
къыщищта щIы IэмыщIэ щIыгъуу. ТхьэлъэIу нэужьым архиепископ Феофилкт щихъ
Паисий и мозаикэ теплъэр игъэнэхуащ икIи псапэ махуэшхуэ жармыкIэр члисэм и
Iэгъуэблагъуэм къыщызэIуихащ.
Бадзэуэгъуэм и 12-м, махуэшхуэм, Пастыр нэхъыщхьэм тхьэлъэIу литургие
щригъэкIуэкIащ Зеленчукскэ станицэм и Петропавловскэ члисэм. Щоджэн нэхъыщхьэм
къулыкъур драгъэкIуэкIащ Ипщэ Къэрэшей-Шэрджэс округым и щоджэнхэм благочиннэ
щоджэн нэхъыжь Субтельный Евгений я пашэу. Апхуэдэу Ашхабад къалэм и
Александро-Невскэ члисэм и унафэщI, Тыркуменистаным и Урыс Чристэн Члисэм и
екIуэлIапIэм и Патриаршэ благочиниер зезыгъакIуэ щоджэн нэхъыжь Копач Иоанн,
къардэн нэхъыжь Кубэ Димирий.
Щоджэн нэхъыщхьэм и гъусэу Тхьэ елъэIуащ къэзакъхэр, станицэм дэсхэр,
Къэрэшей-Шэрджэсым и екIуэлIапIэхэм къикIыу щIыналъэ лъапIэм Тхьэ елъэIуну
къэкIуахэр. Литургие нэужьым Щихънагъым фIэщхъуныгъэ зиIэхэм узэщIыныгъэкIэ
захуигъэзащ. А махуэм архиепископ Феофилакт игъэнэхуащ къэзакъхэм я жор станицэр
къызэзыгъэпэщахэм Архыз лъэныкъуэкIэ Зеленчукскэ станицэм щыхуагъэувам.