2023 гъэм бадзэуэгъуэм и 11-м Псыхуабэ, Черкесск щIыналъэхэм я архиепископ
Феофилакт тхьэлъэIу литургие щригъэкIуэкIащ Псыхуабэ епархием и унэм и Иверскэ
члисэм.
Щоджэн нэхъыщхьэм къулыкъур драгъэкIуэкIащ Старопавловскэ станицэм и
Никольскэ члисэм и унафэщI щоджэн Вологин Александр, Ашхабад къалэм и Никольскэ
члисэм и щоджэн Михалов Алексей, къардэн Копач Иоанн, Нестеренкэ Сергий. Пастыр
нэхъыщхьэхэм я гъусэу Тхьэ елъэIуащ Псыхуабэ щыпсэухэр, щIыналъэ лъапIэм Тхьэ
елъэIуну кIуахэр, епархием и управленэм и лэжьакIуэхэр.
Литургие нэужьым Щихънагъым фIэщхъуныгъэ зиIэхэм узэщIыныгъэкIэ
захуигъэзащ. ИужькIэ архиепископ Феофилакт щоджэн Вологин Александр иритащ «За
труды на благо Пятигорской епархии» медалым и III нагъыщэр, члисэ ухуэныгъэм
зэрыхэтымрэ илъэс 45-рэ зэрырикъумрэ папщIэ.