2023 гъэм бадзэуэгуъэм и 9-м Кисловодск къалэм и Пантелеимоновскэ члисэм
щагъэнэхуащ фэеплъ жорыр. Ар ягъэуващ Урыс Члисэм Тхьэм папщIэ бэлыхь куэд
зрагъэшэча, гуэныхьхэр зрагъэIуэтэжа и щихъхэу Кисловодск къулыкъу щызыщIахэм
папщIэ.
Жор къулыкъур игъэзэщIащ Псыхуабэ епархием Кисловодск щиIэ округым и
благочиннэ щоджэн нэхъыжь Знаменский Иоанн благочинием и щоджэн нэхъыжь
Лиманов Гермогенрэ Пантелеимоновскэ члисэм и унафэщI щоджэн нэхъыжь Акименкэ
Сергийрэ.
Благочиннэм псапащIэ Заренков Вячеслав фIыщIэ хуищIащ чристэн лъапIэныгъэр
къалэм тыгъэ зэрыхуищIам папщIэ. Щоджэным къыхигъэщащ жорыр къегъэлыныгъэм и
дамыгъэу зэрыщытыр. Апхуэдэу ар фэепллъи зэрыхъуфынур, Чристэн фIэщхъуныгъэмрэ
хэкумрэ папщIэ зи псэ зытахэм я цIэр яхъумэу.
Къулыкъум хэтхэм захуигъэзащ псапащIэ Заренков Вячеслав. Абы къыхигъэщащ
фэеплъ Жорхэм дэтхэнэ зы чристэнри лъэIэсыфу зэрыщытын хуейр, лъапIэныгъэм я щхьэ
хуагъэщхъыфу дапщэщи. Апхуэдэ жор иджы Кисловодск щыIэщ.
Пантелеимоновскэ члисэм и унафэщI щоджэн нэхъыжь Акименкэ Сергий
псапащIэм тыгъэ хуищIащ фIэщхъуныгъэ зиIэ джыназхэу Петррэ Февронийрэ я тхьэнапэр
икIи жиIащ щоджэнхэм я кхъащхьэм деж ар зэрыщагъэувар, Пантелеимоновскэ члисэм
къулыкъу щызыщIахэм папщIэ. Члисэм и гъусэу 1965 гъэм ар Iуахауэ щытащ.
2026 гъэм ягъэхьэзыращ жорхэм я проектыр икIи ар и лэжьыгъэщ «Созидающий
мир» фондым. Урысейм, Cербием, Белоруссием, Кипрым щагъэуващ апхуэдэ жор 27-рэ.