Пятигорск епархием и «Целебный Ессентуки» центрым иппотерапие комплекс
къыщызэIуахын папщIэ проект ягъэхьэзыращ, гъэм и зэман псоми я манеж, шыгъажэм
еплъхэм я трибунэ, шхапIэ, пэшхэр, шэщ къызэщIиубыдэу. Ухуэныгъэм мелуани 130-рэ
текIуэдэну къабжащ.
Ухуэныгъэр зэрырагъэжьэну япэ мелуан 60-р спонсорхэм – Сбербанк ПАО-м
къыбгъэдэкIащ. АбыкIэ фундаментыр ящIащ, блынхэр дращIеящ, унащхьэр тралъхьащ,
щхьэгъубжэхэр халъхьащ, унэ кIуэцIхэр къращIыкI. ИппотерапиемкIэ центрым и
проектыр гъэзэщIэным и IуэхукIэ абы уэздыгъхэр щIашащ, псыр ирашэлIащ, канализацэр
къатIащ. Манеж ухуэныгъэр процент 80-кIэ и кIэм нагъэсащ.