2023 гъэм бадзэуэгъуэм и 9-м Псыхуабэ и Спасскэ кафедральнэ соборым
Пятигорск епархием и соборнэ хорымрэ Кавказ Ищхъэрэм и къэрал филармониемрэ япэу
щагъэзэщIащ Рахманинов Сергей и «Всенощное бдение» лэжьыгъэр. Щоджэн 60-м,
уэрэджыIакIуэхэмрэ артистхэмрэ я гъусэу Письменная Елизаветэ и нэIэм щIэту Кавказ
Ищхъэрэм япэу щагъэзэщIащ урыс композитор цIэрыIуэм и тхьэлъэIу лэжьыгъэр.
Концертым хэтхэмрэ абы и хьэщIэхэмрэ фIэхъус щарихым, Псыхуабэ, Черкесск
щIыналъэхэм я архиепископ Феофилакт ягу къигъэкIыжащ «Всенощное бдение» 1915
гъэм Япэ дунейпсо зауэм, революцэм и зэманым композиторым итха лэжьыгъэм и тхыдэр.
Щихънагъым хорым и дирижерым иритащ щIыхь тхылъ, урыс члисэ уэрэдхэр
гъэзэщIэным и хабзэхэр зэрахъумэм папщIэ.
Пятигорск концертыр къыщызэIуахащ юбилей циклкIэ. Абы хыхьэу ягъэзэщIащ
«Всенощное бдение» циклиплIыр, Рахманиновыр илъэси 150-рэ зэрырикъум и щIыхькIэ.
А лэжьыгъэхэр Черкесск, Налшык, Кисловодск щагъэзэщIэнущ.