Псыхуабэ епархием Налшык щиIэ округым и благочиннэ щоджэн нэхъыжь
Бобылев Валентин игъэнэхуащ Телъыджэ къэзыгъэхъу Николай и цIэр зезыхьэ члисэ
цIыкIум и ухуэныгъэ «Безенги» альпинист базэм щыIэр. Спорт, узыншагъэр
щрагъэфIакIуэ альпинист базэм пэгъунэгъуу ирагъэжьа члисэ цIыкIу, мэжджыт
ухуэныгъэхэр и жэрдэмщ абы и унафэщI Анаев Алий. Ар Безенги аузым къыщыхъуащ.
Гупагъэ щIэнымкIэ тхьэлъэIум хэтащ «Дозор» дзэ-патриот клубым и гъэсэнхэр,
илъэсипщI хъуауэ Николо-Угрешскэ цIыхухъу къулъшырыфым щылажьэм. Гупым и
унафэщI Алешин Александр ныбжьыщIэхэм дерсхэр ядрегъэкIуэкI. Члисэ цIыкIум папщIэ
абыхэм тхьэнапэхэмрэ чристэн литературэхэмрэ къашащ.