2023 гъэм мэкъуауэгъуэм и 18-м Псыхуабэ, Черкесск щIыналъэхэм я архиепископ
Феофилакт щигъэнэхуащ Успенскэ Второафонскэ Бештаурскэ цIыхухъу къулъшырыфым
и гъэмахуэ члисэр икIи тхьэлъэIу литургие щригъэкIуэкIащ ягъэнэхуа члисэм. Бештаурскэ
къулъшырыфым и къэщIэрэщIэжыныгъэр ирагъэкIуэкI Москвар Урысей псомрэ я
Патриарх Киррилл и арэзыныгъэкIэ. Урыс Члисэм и Iэтащхьэм и резолюцэм арэзы
щытехъуащ къулъшырыфыр зэрагъэпэщыжыным. Щоджэн нэхъыщхьэм къулыкъур
драгъэкIуэкIащ Псыхуабэ епархием и щоджэнхэм Административнэ секретариатым и
унафэщI щоджэн Яковенкэ Иллия я пашэу. Литургием Тхьэ щелъэIуащ унафэщIхэр,
Псыхуабэ епархием и цIыхубз къулъшырыфым щыIэхэр. Махуэшхуэ тхьэлъэIум
щызэхуэсащ щIыналъэ лъапIэм Тхьэ щелъэIуну цIыху 500- щIигъу, Кавказым и Минводы
и къалэхэм икIахэр. Псом хуэмыдэу члисэщIэм Тхьэ щелъэIуащ мамырыгъэр зэтеувэжын
папщIэ. ТхьэлъэIум хэтащ Урысейм и Президентым и полномочнэ лIыкIуэу Кавказ
Ищхъэрэ федеральнэ щIыналъэм щыIэ Чайкэ Юрий. Пастыр псалъэм хыхьэу
Щихънагъым Чайкэ Юрий фIыщIэ хуищIащ афон хабзэхэр щахъумэ къулъшырыфым
гулъытэ зэрыхуищIым папщIэ. Архиепископ Феофилакт къыхигъэщащ къэралым и Тхьэ
елъэIупIэхэм иджыри къазэрыхэхъуар зэрыгуфIэгъуэр.
Бештаурскэ къулъшырыфым и гъэмахуэ члисэр ягъэнэхуащ зэрагъэпэщыжа нэужь.
Патриарх ЛъапIэм, къулъшырыфым щыIэхэм я тхьэлъэIукIэ, къулъшырыфым и
ныбжьэгъухэм я дэIэпыкъуныгъэкIэ къулъшырыф гъащIэм щыпащэ Тхьэм и нэфI
зыщыхуа Кавказым.