Александровскэ станицэм и Александро-Невскэ члисэм и унафэщI щоджэн
нэхъыжь Дмитриенкэ Сергий игъэзэщIащ «Я покажу тебе Святыни Кавказа» социальнэ
Iуэхур.
А социальнэ Iуэхур щытекIуащ КъБР-м лъэпкъ Iуэхухэмрэ жылагъуэ проектхэмкIэ
и министерствэм и зэпеуэм. Iуэхур хуэунэтIащ цIыхухэм я зыужьыныгъэм,
ефIэкIуэныгъэм.
2023 гъэм мэкъуауэгъуэм и 16-м Къэбэрдей-Балъкърым и щIыпIэ дахэхэм
зыплъыхьакIуэ кIуащ. Абы хэтащ зи ныбжь хэкIуэта цIыху 70-м щIигъу, зи узыншагъэм
къимыхь сабийхэр, СВО-м щыIэхэм я Iыхьлыхэр, зауэм зи щхьэ къыхэзыхахэр.ЩIыналъэ
лъапIэм Тхьэ елъэIуну кIуахэр Дзэлыкъуэ районым хыхьэ Совхознэ къуажэм и Свято-
Троицкэ Серафимовскэ цIыхубз къулъшырыфым, Налшык къалэм Магдалинэ Марие и
цIэр зезыхьэ и члисэ зэхуэхьэсам щыIащ.
2023 гъэм мэкъуауэгъуэм и 22-м Александро-Невскэ члисэм щекIуэкIащ проектым
и япэ дерсыр, чристэн фIэщхъуныгъэм и лъабжьэхэм ухэзыгъэгъуазэр. Члисэм и унафэщI
щоджэн нэхъыжь Дмитриенкэ Сеергий проектым хэтхэр хигъэгъуэзащ члисэм щызекIуэ
хабзэхэм, Чристэн Члисэр къызэрыунэхуам и тхыдэм, щихъхэм, тхьэнапэхэм я къарум,
Члисэм и щэхухэм, упщIэхэми жэуап иритащ.
Дерсым и етIуанэ Iыхьэр екIуэлIапIэм и конференц-залым щекIуэкIащ. Проектым
хэтхэр я Iуэху еплъыкIэхэмкIэ зэхъуэжащ, «Святыни России, путешествие по Золотому
кольцу» видеолекцэм еплъащ.
КъБР-м и Май районым ЦIыхухэм социальнэ Iуэхутхьэбзэхэр щыхуащIэ и
зэзыгъэуIу центрым и унафэщI Гусевэ Татьянэ проектыр зэрагъэзэщIэнум къытеувыIащ,
лъэпкъ Iуэхухэмрэ жылагъуэ проектэмкIэ министерствэм и грант дэIэпыкъуныгъэм,
жылагъуэ проектхэм, дяпэкIэ къапэщылъхэм къытеувыIащ.
Зэхыхьэм хэтхэм фIыщIэ хуащIащ унафэщIым, гуапэу зэрырагъэблэгъам папщIэ.