2023 гъэм мэкъуауэгъуэм и 17-м Псыхуабэ, Черкесск щIыналъэхэм я архиепископ
Феофилакт тхьэлъэIу литургие щригъэкIуэкIащ Острогоркэ къуажэм и Георгиевскэ
члисэм. Щоджэн нэхъыщхьэм къулыкъур драгъэкIуэкIащ Псыхуабэ епархием и
Административнэ секретариатым и унафэщI щоджэн Яковенкэ Илия, Лермонтовскэ члисэ
округым и щоджэнхэм благочиннэ щоджэн нэхъыжь Фаустов Константинрэ къардэн
нэхъыжь Кубэ Димитрийрэ я пашэу. Пастыр нэхъыщхьэм Тхьэ делъэIуащ къуажэдэсхэмрэ
щIыналъэ лъапIэм икIыу Тхьэ елъэIуну кIуахэмрэ. ТхьэлъэIу нэужьым Щихънагъым
фIэщхъуныгъэ зиIэхэм захуигъэзащ узэщIыныгъэкIэ.
А махуэ дыдэм, ЕссэнтIыгу къалэм и Театр утым архиепископ Феофилакт
къыщызэIуихащ «Благословенный Кавказ» чристэн выставкэр. Ар Урыс Чристэн Члисэм
и «Радость слова» выставкэм и гъусэу йокIуэкI.
Зэхыхьэр тхьэлъэIу уэрэдкIэ къызэIуахащ щихъ Златоуст Иоанн и къарум щыщ
Iыхьэхэм деж. ТхьэлъэIур щоджэн нэхъыщхьэм драгъэкIуэкIащ ЕссэнтIыгу члисэ
округым и щоджэнхэм благочиннэ щоджэн нэхъыжь Фещенкэ Стефанрэ щоджэн нэхъыжь
Симанович Олегрэ я пашэу.
Пастыр нэхъыщхьэм зэхуэсахэм фIэхъус ярихащ икIи выставкэм и блынхэм
еплъащ. Выставкэм къекIуэлIахэми захуигъэзащ Щихънагъым, Урыс Чристэн Члисэм и
Тхылъ ТедзапIэм и Советым и IэщIагъэлI, «Радость слова» узэщIыныгъэ проектыр зи
нэIэм щIэт щоджэн Степанов Андрей. Андрей зэрыжиIамкIэ иджы ебгъуанэу выставкэр
къызэрагъэпэщ. Тхылъ тедзапIэ советымрэ епархиемрэ я проект кIыхьщ ар.
***
Выставкэм и программэм хэтщ:
Апостол пэлъытэхэу Кириллрэ Мефодийрэ я Патриаршэ литературэ саугъэтыр,
епархием и библиотекэмрэ ЕссэнтIыгу къалэм и «ЦБС» МБУК-мрэ юбилей
къыдэкIыгъуэр етыныр.
Щоджэн Островский Павел IущIэныр, «Спас» телеканалым и «Ответ священника.
Прямая линия» нэтыныр езыгъэкIуэкIым, «Батюшка онлайн»проектым хэтым,
«ПсапащIэхэр» псапэ Iуэхур къызэзыгъэпэщам; Тхылъ ТедзапIэ советым и IэщIагъэлIхэм,
«Спас» телеканалым и спикерым, «Батюшка онлайн» проектым хэт щоджэн Степанов
Андрей IущIэныр.
Дорога к дому», «Вдвоём на льдине», «Щенок» художественнэ фильмхэр
гъэлъэгъуэныр. Апхуэдэу чристэн литературэ къыдэкIыгъуэхэр утыку къихьэныр.
«Сабийхэм тхылъ тыгъэ яхуэщI» псапэ Iуэхур.