Курыт еджапIэр къэзыуххэр, егъэджакIуэхэр, адэ-анэхэр щызэхуэсащ Никольскэ
члисэ зэхуэхьэсам и фIыщIэ тхьэлъэIум. Ар иригъэкIуэкIащ гимназием и унафэщI щоджэн
нэхъыжь Знаменский Иоанн. ТхьэлъэIу уэрэдхэр ирагъэкIуэкIащ школыр къэзыуххэм.
ТхьэлъэIум и пэ къихуэу унафэщIым гимназиер къызэзыгъэпэща архиепископ
Феофилакт и арэзыныгъэр ялъигъэIэсащ икIи ехъуэхъуащ гимназиер ехъулIэныгъэхэр яIэу
къызэраухымкIэ. ФIыщIэ тхьэлъэIу нэужьым аттестатхэр иратыжащ.
Аттестатхэмрэ «За особые успехи в учении»медалымрэ хуагъэфэщащ
Курбан-Алиев Романрэ Подрезовэ Мариерэ. Ставрополь крайм и дыщэ медалыр
иратащ Рочевэ Елизаветэ. Ставрополь крайм и дыжьын медалыр иратащ Галин
Алексейрэ Носачев Егоррэ.
Школыр къзыуххэм ехъуэхъуащ икIи аттестатхэр иратыжащ хьэщIэ
лъапIэхэм – УФ-м и Федеральнэ Зэхуэсым ФедерацэмкIэ и Советым
бюджетымрэ финанс IуэхухэмкIэ и комитетым и унафэщI, УФ-м и сенатор
Артамонов Анатолий, Кисловодск и Iэтащхьэ Моисеев Евгений, гимназием и
унафэщIыр. Аттестатхэм я гъусэу ныбжьыщIэхэм Иоанн къыгъэдэкIыу
ХъыбарыфIхэр зэрыт тхылъ лъапIэр тыгъэ хуащIащ.
Сенаторыр ныбжьыщIэхэм ехъуэхъуащ зыхуагъэувыжа къалэнхэр
зрагъэхъулIэну, я гум лъагъуныгъэмрэ фIэщхъуныгъэмрэ щахъумэну. Къалэм и
Iэтащхьэр щIалэгъуалэм ехъуэхъуащ икIи зэи къимыкIуэтыну захуигъэзащ.
Гимназиер къэзыуххэмрэ я адэ-анэхэмрэ фIыщIэ хуащIащ унафэщIымрэ
гимназием и егъэджакIуэхэмрэ, илъэс 11-м къриубыдэу я лъагъуныгъэмрэ я нэIэ
казэрытетамрэ папщIэ.
ЕгъэджакIуэхэмрэ адэ-анэхэмрэ я гъусэу гимназием и актовэ пэшым
махуэшхуэм щыпащащ. Абы концерт гукъинэж щекIуэкIащ.
Абы и пэ къихуэу 9 классыр къэзыуххэм аттестатхэр иратыжащ.