Черкесск къалэм Нэфхэм я урысейпсо зэгухьэныгъэм и къудамэм хэтхэр щыIащ
Къэрэшей-Шэрджэсым и чристэн члисэхэм. Япэу кIуащ Маруха къуажэм Тхьэм и Анэм и
Къэзан тхьэнапэм. Члисэм и унафэщI иеромонах Александр (Емельянов) хьэщIэхэм
заригъэплъыхьащ. ИужькIэ щоджэн Гурин Александр и гъусэу фIэщхъуныгъэ зиIэхэм
тхьэлъэIу щрагъэкIуэкIащ схимонах Павлин (Боханковэ) и кхъащхьэм деж. Абдеж ягу
къыщагъэкIыжащ члисэм и унафэщIу щыта, зи фIэщхъуныгъэм и зэран зэкIа щоджэн
Русаков Никандр, щоджэн Овсянников Иаков, щоджэн Щербаков Лукэ сымэ, 1929-1937
гъэхэм абы къулыкъу щызыщIахэр. Члисэм и лэжьакIуэхэм хьэщIэхэм шэджэгъуашхэ
ирагъэщIащ. ИужькIэ Романовхэ я псынэпсым щыIащ.
КъыкIэлъыкIуэу ахэр кIуащ Кардоникскэ станицэм Тхьэм и Анэм и Покров члисэм.
Члисэм и унафэщI щоджэн Саенкэ Иоанн хьэщIэхэм заригъэплъыхьащ икIи екIуэлIапIэм
и хабзэхэм къытеувыIащ. Тхьэ елъэIуа нэужь, гупыр кIуащ Тхьэм и Анэм и Уэхьий
Михаил и цIэр зезыхьэ Усть-Джегуты къалэм дэтым. Щоджэн Гурин Александр абы
защригъэплъыхьащ.