2023 гъэм мэкъуауэгъуэм и 20-м Псыхуабэ, Черкесск щIыналъэхэм я архиепископ
Феофилакт тхьэлъэIу литургие щригъэкIуэкIащ Псыхуабэ епархием и унэм и Иверскэ
члисэм. Щоджэн нэхъыщхьэм къулыкъур драгъэкIуэкIащ Энергетик къуажэм и
Преображенскэ члисэм и унафэщI щоджэн нэхъыжь Шевченкэ Максимрэ къардэн
Нестеренкэ Сергийрэ. Щоджэн нэхъыщхьэм и гъусэу Тхьэ елъэIуащ къалэдэсхэмрэ
епархием и управленэм и лэжьакIуэхэмрэ.
Литургие нэужьым Щихънагъым фIэщхъуныгъэ зиIэхэм узэщIыныгъэкIэ
захуигъэзащ. ИужькIэ архиепископ Феофилакт щоджэн нэхъыжь Шевченкэ Максим
иритащ «За труды на благо Пятигорской епархии» медалым и III нагъыщэр. Ар
хуагъэфэщащ Преображенскэ члисэм и ухуэныгъэм хэлъхьэныгъэ зэрыхуищIамрэ илъэс
45-рэ зэрырикъумрэ папщIэ.