гъэм мэкъуауэгъуэм и 19-м «Благословенный Кавказ», «Радость слова»
чристэн бэзэрхэм хыхьэу, Кисловодск къалэм и Никольскэ члисэ зэхуэхьэсам щыIущIащ
псапащIэ, блогер цIэрыIуэ щоджэн Островский Павел. ХьэщIэм щIыгъуащ Урыс Чристэн
Члисэм и Тхылъ тедзапIэм и Советым и IэщIагъэлI нэхъыщхьэ, «Радость слова»
узэщIыныгъэ проектым и унафэщI щоджэн Степанов Андрей. Зэхыхьэм цIыху 300-м
нэблагъэ щызэхуэсащ: члисэхэм екIуалIэхэр, къалэ-зыгъэпсэхупIэм и щIалэгъуалэр,
«Метанойя» псапащIэ гупым хэтхэр, щоджэным и напэкIуэцIым Iэ щIэзыдзахэр.
Зэпсэлъэныгъэр зэгъусэ тхьэлъэIукIэ ирагъэжьащ.
Псыхуабэ епархием и Кисловодскэ округым и благочиннэ щоджэн нэхъыжь
Знаменский Иоанн хьэщIэр щаригъэцIыхум, и ехъулIэныгъэхэр къыхигъэщащ, «Спас»
телеканалым и «Ответ священника. Прямая линия» нэтыным, дин проектхэм я спикеру
щыткIэрэ.
Павел чристэн гъащIэм къытеувыIащ, гъэгъуныгъэм, пастыр зэфIэкIым, унагъуэм
яку дэлъ зэхущытыкIэхэм, нэгъуэщIхэми. Щоджэным жиIащ укъэзыгъэпцIа цIыхум
Христос папщIэ хуэбгъэгъу зэрыхъунур.
ИужькIэ Павел зэхуэсахэм я упщIэхэм жэуап яритащ. Павел къыхигъэщащ
унагъуэмрэ цIыхухэмрэ зэпэIэщIэ зэращIыр, социальнэ сайхэм. КърихьэлIахэм
яфIэгъэщIэгъуэн хъуащ щихъхэм, фIэщхъуныгъэм, сабийхэм я зэхущытыкIэхэм,
гъэсэныгъэм, нэгъуэщIхэми ятеухуахэм.
Зэхыхьэр щиухым щоджэным псори къыхуриджащ Тхьэм фIыщIэ хуащIыну.