2023 гъэм мэкъуауэгъуэм и 15-м Псыхуабэ къалэм и «Огонь вечной славы» фэеплъ
Пост №1-м деж щыIэм дзэм ираджэхэм я махуэр щагъэлъэпIащ. Махуэшхуэм хэтащ
хьэщIэхэр, Хэку зауэшхуэм и ветеранхэр, дзэм къулыкъу щызыщIэхэр, ветеранхэм я
советхэм я лIыкIуэхэр, сэлэтхэм я анэхэм я комитетым щыщхэр, администрацэр,
жылагъуэ зэгухьэныгъэхэм щыщхэр, дзэм ираджэхэр, къалэм и курыт еджапIэхэм я
еджакIуэхэр, студентхэр.
Къызэхуэсахэм фIэхъускIэ захуигъэзащ Псыхуабэ, Лермонтов, Кисловодск
къалэхэм я дзэ комиссариатым, УФ-м и Лъэпкъ гвардием, Псыхуабэ къалэм и Iэтащхьэм и
къуэдзэм я лэжьакIуэхэм, хьэщIэхэм. Псыхуабэ епархием къыбгъэдэкIыу дзэм ираджахэм
ехъуэхъуащ IэщэкIэ зэщIэузэда къарухэм, хабзэхъумэ IэнатIэхэм ядэлэжьэнымкIэ
къудамэм и унафэщI щоджэн нэхъыжь Сорокин Константин.