Сабийхэр хъумэным и дунейпсо махуэм Кисловодск къалэ-зыгъэпсэхупIэм Санкт-Петербург ирашыу яшащ метрих хъу скульптурэр, бынунагъуэшхуэм къытращIыкIар. Абы игъэдэхэнущ къалэм и проспектхэм ящыщ зы.
Iуэхум арэзы техъуащ Псыхуабэ, Черкесск щIыналъэхэм я архиепископ Феофилакт, бынунагъуэшхуэм я теплъэр лъапIэныгъэ узыншэхэм я дамыгъэ зэрыхъунур, Тхьэм и унафэр зи лъабжьэхэр. Кисловодск и Пантелеимоновскэ члисэм и щоджэнхэм Псыхуабэ епархием унагъуэр, анагъэр, сабиигъуэр хъумэнымкIэ и комиссэр и пашэу щоджэн нэхъыжь Акименкэ Сергий тхьэлъэIу иригъэкIуэкIащ.
Щоджэнхэм я гъусэу Тхьэ елъэIуащ «Созидающий мир» фондым и архитектор Кузнецовэ Екатеринэ, скульптор Бурков Евгений, мастерскойм и унафэщI Аккузин Михаил.
Скульптурэр бадзэуэгъуэм и 8-м къызэIуахынущ, унагъуэм, лъагъуныгъэм, зэхуэпэжыныгъэм и махуэм.