2023 гъэм накъыгъэм и 21-м, Президент грантхэм я Фондыр и дэIэпыкъуэгъуу,
«Инклюзивная арт-мастерская “Творчество без границ”» проектым и выставкэр
ирагъэкIуэкIащ. Проектым хэтахэр, адэ-анэхэр, хьэщIэхэр щызэхуэсащ епархием и
«ДыгъафIэ къалэ» центрым.
Зэхуэсахэм фIэхъус ярихащ ЕссэнтIыгу къалэм Тхьэм и Анэм и «Всех скорбящих
радость» члисэм и унафэщI щоджэн нэхъыжь Стацюк Алексей, Ставропольем и
нотариальнэ палатэм, ЕссэнтIыгу бизнесымкIэ и колледжым я лIыкIуэхэр. Проектыр
ящIынымкIэ дэIэпыкъуэгъу хъуащ бизнесымкIэ колледжым и лIыкIуэхэмрэ Ставрополь
къэрал пединститутым и къудамэмрэ я студентхэр.
Илъэси 7-м щыщIэдзауэ илъэс 40 хъухэм лэжьыгъэ 75-рэ къатащ Iэмал, техникэ
зэмылIэужьыгъуэхэр къагъэсэбэпри. Инклюзивнэ арт-мастерскойм ныкъуэдыкъуэхэр
зэкъуигъэуващ, ныбжыьщIэхэр ящIыгъуу. Мазихым къриубыдэу проектым хэтхэм
зыхуагъэсащ акварель плъыфэхэм, гуашым, фломастерхэм ирилэжьэну, графитым
зыхуагъэсащ, плэнэрхэм хэтащ. Проектым хэтхэм я адэ-анэхэм я гуапэ хъуащ я сабийхэм
ныбжьэгъу къызэрагъуэтар, проектым зэрыхэтар, щытыкIэ гугъу щихуахэм зыр адрейм
зэрыдэIэпыкъум, зыр адрейм зэрызэхихым папщIэ. Выставкэм хэтахэм сертификатхэмрэ
саугъэт лъапIэхэмрэ иратащ. Волонтёрхэм фIыщIэ тхылъхэр къаIэрыхьащ. «ДыгъафIэ
къалэ» центрым и егъэджакIуэхэм я гъусэу концерт къызэрагъэпэщащ.