Славян тхыбзэмрэ щэнхабзэмрэ теухуа урысейпсо щIэныгъэ-практикэ конференцэр
КъШКъУ-м 2004 гъэм щыщIэдзауэ щрагъэкIуэкI. Дапщэщи щIэныгъэлIхэр, щоджэнхэр,
студентхэр абы щызэхуос. 2023 гъэм зэхуэсыр ирагъэкIуэкIащ дуней псом щыщхэр Iуэхум
къыхашэри.
Конференцэм хэтхэм фIэхъус ярихащ ректорым и къалэнхэр зыгъэзащIэ Узденов
Таусолтан. Псыхуабэ, Черкесск щIыналъэхэм я архиепископ Феофилакт и фIэхъусым
къеджащ Псыхуабэ епархием и Ипщэ Къэрэшей-Шэржэс благочиннэ щоджэн нэхъыжь
Субтельный Евгений.
Жуковский В. А. къызэралъхурэ илъэс 240-рэ зэрырикъум и щIыхькIэ, «При мысли
великой, что я человек, всегда возвышаюсь душою» докладыр ищIащ благочинием и
щIалэгъуалэ къудамэм и унафэщI Бобровский Александр. Члисэ округым и лIыкIуэхэм
яхэтащ Зеленчукскэ станицэм и «Профессионал» коледжым и студентхэр. Конференцэм
щытепсэлъыхьащ урысыбзэм теухуахэм, урысыбзэр егъэджыным ехьэлIауэ иджыпсту
щыIэ Iэмалхэм, нэгъуэщIхэми.