Кисловодск къалэм и Чристэн Свято-Никольскэ классическэ гимназием
щагъэлъэпIащ «Кирилл и Мефодий» XII дунейпсо хор зэпеуэм щытекIуахэр. Ар
къызэрагъэпэщащ Москварэ Урысей псомрэ я Патриархым урыс члисэ уэрэдхэм
зегъэужьынымкIэ и Жылагъуэ советым, Богоявленскэ кафедральнэ члисэ зэхуэхьэсам,
Чайковскэм и цIэр зезыхьэ Москва и къэрал консерваторэм.
Москварэ Урысей псомрэ я Патриархым урыс члисэ уэрэдхэр жыIэнымкIэ и Члисэ-
жылагъуэ советым хэт щоджэн нэхъыжь Кузнецов Сергий «Детские хоры при
общеобразовательных школах» унэтIыныгъэм и щIыхь тхылъым и япэ нагъыщэр
иритащ гимназем и хорым и унафэщI, гъэсэныгъэ лэжьыгъэхэмкIэ унафэщIым и къуэдзэ
Синявская Татьянэ. Апхуэдэу Сергий фIыщIэ хуищIащ а унэтIыныгъэм и щIыхь тхылъым
и етIуанэ нагъыщэр зыхуагъэфэща, «Камертон» хорым и унафэщI Игнатенкэ Еленэ.
Гимназием и унафэщI щоджэн нэхъыжь Знаменский Иоанн фIыщIэ хуищIащ
щоджэн нэхъыжь Кузнецов Сергий хъыбарыфIхэм папщIэ икIи фэеплъ тыгъэ хуищIащ.
ТекIуахэм ар ехъуэхъуащ макъамэмкIэ КъегъэлакIуэм и щIыхьыр адэкIи ягъэлъэпIэну.
Зэхыхьэр щиухым гимназием и хорхэм уэрэд жаIащ. Зэхьэзэхуэм хэтахэм
саугъэтхэр иратащ.