2023 гъэм накъыгъэм 9-м Кисловодск къалэм и Никольскэ члисэ зэхуэхьэсам
тхьэлъэIу литургие нэужьым фIыщIэ тхьэлъэIу щрагъэкIуэкIащ, иджыпсту къэралыр
зэрыт шынагъуэм къикIын папщIэ.
ЗауэлI щIыхьым и «Солдатам Родины» фэеплъым деж щекIуэкIащ «Кисловодск. Za
Наших» фэеплъ пэкIур. Абы щызэхуэсащ къалэ-зыгъэпсэхупIэм и Iэтащхьэ Моисеев
Евгений, къалэ Думэм и унафэщI Волошинэ Любовь, Ставрополь крайм социальнэ
политикэмрэ узыншагъэр хъумэнымкIэ и комитетым и унафэщIым и къуэдзэ Мурашкэ
Николай, Кисловодскэ мэжджытым и имам, Псыхуабэ епархием Кисловодскэ округым
щиIэ благочиннэ щоджэн нэхъыжь Знаменский Иоанн.
Благочиннэм ягу къигъэкIыжащ зауэр IутIыжым ирихьэлIэу зэриухар, Тхьэм
папщIэ бэлыхь куэд зрагъэшэча Георгий и фэеплъ махуэм, ТекIуэныгъэр Тхьэм
къызэрыдитар. Щоджэным фIыщIэ яхуищIащ ветеранхэмрэ тылым щылэжьахэмрэ,
ТекIуэныгъэм хуащIа хэлъхьэныгъэшхуэхэм папщIэ, хэкIуэдахэм мыкIуэдыжын фэеплъ
ягъуэтыну Тхьэ елъэIуащ. ПэкIур щиухым фэеплъым удз гъэгъахэр тралъхьащ.
А махуэ дыдэм музейм и «Казакам России» паркым деж тхьэрыIуэ щащIащ къалэм
и къэзакъ зэгухьэныгъэм щыщхэм. Апхуэдэу Кисловодск и къэзакъхэр зэхуэсащ.
Зэхыхьэм хэтащ Никольскэ члисэ зэхуэхьэсам и щоджэн нэхъыжь Чеканов Димитрий.
Чристэн жорымрэ Инджылымрэ ба хуащIу, къэзакъхэм Тхьэ яIуащ я фIэщхъуныгъэмрэ
Тхьэмрэ емыпцIыжыну, Хэкумрэ цIыхубэмрэ къулыкъу хуащIэну. ИужькIэ къэзакъхэр
кIуащ «Журавли» фэеплъым деж, удз гъэгъахэр тралъхьащ Хэку зауэшхуэм хэкIуэдахэм я
фэеплъым.