2023 гъэм накъыгъэм и 6-м, Тхьэм папщIэ бэлыхь куэд зрагъэшэча Георгий и
фэеплъ махуэм, Псыхуабэ, Черкесск щIыналъэхэм я архиепископ Феофилакт тхьэлъэIу
литургие щригъэкIуэкIащ Шоан бгым тет Георгиевскэ члисэм. Щоджэн нэхъыщхьэм
къулыкъур драгъэкIуэкIащ Псыхуабэ епархием и щоджэнхэм Администртивнэ
секретариатым и унафэщI щоджэн Яковенкэ Илия я пашэу. Пастыр нэхъыщхьэм и гъусэу
Тхьэ елъэIуащ щIыналъэ лъапIэм Тхьэ елъэIуну кIуахэр, армеец ныбжьыщIэхэр,
къэзакъхэр, дзэм къулыкъу щызыщIэхэр. ТхьэлъэIум и пэ къихуэу чристэн щIалэгъуалэм
абы хэтхэм хуагуэшащ георгий лентIхэр.
А махуэ дыдэм, Къэрэшей-Шэрджэс республикэм щыкIуам, члисэм кIуащ Осетие
Ипщэм и лIыкIуэхэм я Президент Гаглоев Алан я пашэу. ХьэщIэ лъапIэхэм яIущIащ
КъШР-м и ЦIыхубэ Зэхуэсым (Парламентым) и УнафэщI Иванов Александр.
Щихънагъым хьэщIэхэм яригъэцIыхуащ члисэм и тхыдэр, Къэрэшей-Шэрджэсым
ис лъэпкъхэм, зэрыт динми емылъытауэ я зэхуаку зэныбжьэгъугъэ зэрыдэлър
къыхигъэщу. Лъэпкъ, дин зэхущытыкIэхэр республикэм зэрыщагъэбыдэм къыхэкIыу
Иванов Александр иратащ Урыс Чристэн Члисэм и орденыр.
Москварэ Урысей псомрэ я Патриарх Кирилл КъШР-м и Парламентым и
УнафэщIым ЩIыхьымрэ ФIыщIэмрэ я орденым и ещанэ нагъыщэр иритынущ. ЦIыхубэ
зэхуэсым и УнафэщIым Парламентым и ЩIыхь тхылъхэр хуигъэфэщащ Къэрэшей-
Шэрджэсым и екIуэлIапIэхэм я щоджэнхэм – Гурин Александррэ Якушев Александррэ.