Псыхуабэ епархием и хор гупи 6 хэтащ хорхэм я «Кирилл и Мефодий»
международнэ зэпеуэм. Ар къызэрагъэпэщащ урыс члисэ уэрэдхэм зегъэужьынымкIэ
Москварэ Урысей псомрэ я Патриархатым и деж щыIэ Члисэ-жылагъуэ советым, Москва
къалэм и Богоявленскэ кафедральнэ члисэ зэхуэхьэсам, Москва къэрал консерваторэ
Чайковскэм и цIэр зезыхьэм.
КъэпщытакIуэ гупым я унафэщI Рудневский Алексей – хор дирижированэмкIэ
Москва къэрал консерваторэ Чайковскэм и цIэр зезыхьэм и профессор, симфоние, хор
дирижированэмкIэ факультетым и декан, Москва консерваторэм и студентхэм я хорымрэ
Москва и «Кастальский» цIыхухъу камернэ хорымрэ я художественнэ унафэщI. Зэпеуэм
кърикIуахэр зэхалъхьэжа нэужь, 2023 гъэм мэлыжьыхьым и 20-м къагъэнэIуащ текIуахэр.
«Детские хоры при общеобразовательных школах, хоры воскресных школ и домов
культуры» Iыхьэм пашэ щыхъуащ:
Кисловодск къалэм и Чристэн Свято-Никольскэ классическэ гимназием и хорым
домбеякъ щIыхь тхылъым и япэ нагъыщэр къыхуагъэфэщащ.
Чристэн Свято-Никольскэ классическэ гимназием и «Камертон» хорым домбеякъ
медалым и етIуанэ нагъыщэр лъагъэсащ.
«Ансамбль» Iыхьэм щытекIуащ Черкесск къалэм щихъ Николай и цIэр зезыхьэ и
члисэ зэхуэхьэсам хорым дыжьын щIыхь тхылъым и етIуанэ нагъыщэр иратащ.
Баку къалэм Тхьэм и Уэхьий Михаил и цIэр зезыхьэ и хорым домбеякъ щIыхь
тхылъым и ещанэ нагъыщэр иратащ.
Сабий, балигъ гупхэм зэпеуэм ехъулIэныгъэхэр къызэрыщахьамкIэ дохъуэхъу.