2023 гъэм мэлыжьыхьым и 1-м Псыхуабэ епархием и щIалэгъуалэ центрым
щекIуэкIащ «Что? Где? Когда?» акъылыфIагъэ джэгур. Хабзэ дахэ хъуауэ епархием и
округ псоми гуп-гупу щызэхуос нэщI Иным и махуэхэм, Члисэ гъащIэм теухуахэм
зыхагъэгъуэзэн папщIэ. Иджырейр теухуауэ щытащ къэблагъэ IутIыжым: «Пасха.
История. Богослужение. Традиции». НыбжьыщIэхэм къащIэн хуейт римлянхэм я
пщэдджыжьышхэм, иудейхэм я шхын хабзэхэм ехьэлIахэр, IутIыж уэрэдхэмрэ урыс
музыкэ хабзэхэмрэ зэрызэпыщIар, нэхъыщхьэращи, махуэшхуэм и тхыдэр ягу
къагъэкIыжыныр, Христос ЛIахэм КъащIыхэтэджыкIыжам и мыхьэнэр щIыгъуу. УпщIэ
гъэщIэгъуэнхэм я фIыгъэкIэ кърихьэлIахэм щIэщыгъуэ куэд къащIащ. УпщIэхэр аудио,
видео, сурэт, ашык Iэмалхэм тету ятащ. КъэпщытакIуэ гупым хэтхэр тепсэлъыхьащ
жэуапхэм.
Ищхъэрэ Къэрэшей-Шэрджэс благочинием и гупыр текIуащ. ЕтIуанэр зэдагуэшащ
Псыхуабэ, Новопавловскэ округхэм, ещанэр Кисловодскэ гимназием хуагъэфэщащ.
НэхъыфIу джэгуауэ къалъытащ Новопавловскэ гупым щыщ Павленко Анастасие.