2023 гъэм гъатхэпэм и 25-м пщыхьэщхьэм Псыхуабэ, Черкесск щIыналъэхэм я
архиепископ Феофилакт Псыхуабэ и Спасскэ кафедральнэ члисэ зэхуэхьэсам тхьэмахуэ
тхьэлъэIур щригъэкIуэкIащ щоджэнхэм я гъусэу. Щоджэн нэхъыщхьэм и гъусэу Тхьэ
елъIэуащ къалэдэсхэмрэ зыгъэпсэхупIэм и хьэщIэхэмрэ. Щихънагъыр тхьэмахуэ
Инджылым къеджащ икIи фIэщхъуныгъэ зиIэхэм гъэнэхуа дагъэм щыщ щихуащ.
Гъатхэпэм и 26-м, нэщI Иным и 4 тхьэмахуэм, архиепископ Феофилакт тхьэлъэIу
литургие щригъэкIуэкIащ Спасскэ кафедральнэ члисэ зэхуэхьэсам. Литургие уэрэдхэр
члисэ зэхуэхьэсам и сабий хорым игъэзэщIащ. ХъыбарыфIхэр зэрыт тхылъ лъапIэм
къеджа нэужь, Щихънагъым фIэщхъуныгъэ зиIэхэм узэщIыныгъэкIэ захуигъэзащ. Пастыр
нэхъыщхьэр екIуэлIапIэм кIуэхэм епсэлъащ литургие нэужьым Псыхуабэ епархием и
ЩIалэгъуалэ центрым.