2023 гъэм гъатхэпэм и 13-м егъэджакIуэхэмрэ гъэсакIуэхэмрэ я илъэсым
хыхьэу Псыхуабэ, Черкесск щIыналъэхэм я архиепископ Феофилакт яIущIащ
Кисловодск къалэ-зыгъэпсэхупIэм и Чристэн Свято-Никольскэ классическэ
гимназием и класс нэхъыжьхэм щIэсхэм. «Нэхъыщхьэм теухуа псалъэмакъхэр» -
аращ зэхыхьэм и фIэщыгъэу щытар. Абы щытепсэлъыхьащ щIэблэм я гъащIэмрэ
Iуэху зэIумыбзхэмрэ.
Гимназием и 11 классым щIэсхэу Рочевэ Елизаветэрэ Курбан-Алиев
Романрэ ехъуэхъуащ Щихънагъым чристэн тхылъым и махуэмкIэ икIи тыгъэ
хуащIащ Кисловодск теухуа тхылъыр.
Гимназием и шхапIэм Щихънагъыр шей щефэм къыгурыIуащ искусственнэ
интеллектыр зэпымыууэ зэрылажьэр... Абы Инджылым щыщ щапхъэ къихьащ.
ЗэIущIэр щиухым Щихънагъыр гимназием и гъэсэнхэм ехъуэхъуащ ныбжьэгъу
гуапэхэр яIэну, я лъагъуныгъэм папщIэ лIыгъэ зылэжьыфынухэр.
ИужькIэ Щихънагъым жэуап иритащ гимназием и гъэсэнхэм ягъэхьэзыра
упщIэхэм. Псалъэм щхьэкIэ, адэ-анэхэм яхуиIэ щытыкIэхэм ехьэлIауэ
Щихънагъым еджакIуэхэм яжриIащ Iуэхур зэхамыгъэкIыу къыхуагъэгъуну
елъэIуну, итIанэ и пэжыпIэр жаIэну.
Зэхыхьэм щыпищэм, архиепископ Феофилакт литературэм, фильмхэм,
социальнэ сайтхэм, джэгум дихьэхахэм, щIалэгъуалэм я псэлъэкIэм къытеувыIащ.
8 классым и еджакIуэ Бегляров Богдан и проектым тепсэлъыхьащ – «Исток»
киностудием, зэфIигъэкIахэм, иджыри къыпэщылъхэм икIи архиепископ
Феофилакт елъэIуащ гимназием и телеканалымкIэ интервью къаритыну.
Архиепископ Феофилакт «Слова любви, надежды и веры» къыдэкIыгъуэм Iэ
тридзащ. Класс нэхъыжьхэм щIэсхэм Щихънагъым фIыщIэ хуащIащ
къазэрыхуеблэгъамкIэ, «Утренняя молитва» уэрэдыр жаIащ.
ЗэIущIэр щиухым архиепископ Феофилакт гимназием и гъэсэнхэм
захуигъэзащ гуапэу щытыну, лъагъуныгъэмрэ гуапагъэмрэ зэи емылъэпэуэну.
Гимназием и унафэщI щоджэн нэхъыжь Знаменский Иоанн Пастыр
нэхъыщхьэм фIыщIэ хуищIащ гимназием и гъэсэнхэм ярита пастыр гъэсэныгъэмрэ
зэпымыууэ гимназием и нэIэ зэрытригъэтымрэ папщIэ.