2023 гъэм гъатхэпэм и 8-м Псыхуабэ, Черкесск щIыналъэхэм я архиепископ
Феофилакт Псыхуабэ епархием и япэ пресс-секретарь икIи ХъыбарегъащIэ-тхылъ тедзапIэ
къудамэм и унафэщI Бронский Евгений щыщIалъхьэжа Хорошевскэ кхъэм деж тхьэлъэIу
щригъэкIуэкIащ. А махуэм илъэсибл ирокъу Евгений дунейм зэрехыжрэ.
Щоджэн нэхъыщхьэм и гъусэу тхьэлъэIум хэтащ Евгений и щхьэгъусэмрэ
ипхъумрэ, щоджэнхэр, епархием и управленэм и лэжьакIуэхэр. Бронский Евгений и
благъэхэм, Iыхьлыхэм, лэжьэгъухэм Щихънагъым я гъусэу тхьэлъэIу щрагъэкIуэкI
Хорошевскэ кхъэм гъэ къэс ар дунейм щехыжа махуэмрэ – гъатхэпэм и 8-мрэ къыщалъхуа
бадзэуэгъуэм и 30-мрэ.
***
Бронский Евгений 1962 гъэм бадзэуэгъуэм и 30-м Ставрополь къыщалъхуащ.
1979 гъэм курыт еджапIэр, 1984 гъэм Ставрополь и пединститутым и тхыдэдж
къудамэр къиухащ. Евгений илъэс куэдкIэ Ставрополь духовнэ семинарием
тхыдэмрэ философиемкIэ щригъэджащ, Псыхуабэ епархием и пресс-
IуэхущIапIэрэ Тхылъ тедзапIэрэ къызэригъэпэщри абы и унафэщIу щытащ.