2023 гъэм гъатхэпэм и 7-м Псыхуабэ, Черкесск щIыналъэхэм я архиепископ
Феофилакт КъШР-м и Зеленчукскэ станицэм и Петропавловскэ члисэм Литургие
щригъэкIуэкIащ. Щоджэн нэхъыщхьэм къулыкъур драгъэкIуэкIащ Псыхуабэ епархием и
щоджэнхэм, Ставрополь епархием и лIыкIуэхэм щоджэнхэр я гъусэу. ТхьэлъэIум хэтащ
къэзакъхэр, станицэм щыпсэухэр, дунейм ехыжа игумен Григорий (Бочаров) и
благъэхэмрэ Iыхьлыхэмрэ.
Литургие нэужьым Пастыр нэхъыщхьэм фIэщхъуныгъэ зиIэхэм узэщIыныгъэкIэ
захуигъэзащ. ИужькIэ архиепископ Феофилакт игумен Григорий и хьэдэщIэлъхьэр
иригъэкIуэкIащ. Щихънагъым Григорий иужьрей гъуэгуанэм тригъэувэжащ икIи дунейм
ехыжам и кхъащхьэм деж тхьэлъэIу щригъэкIуэкIащ.