2023 гъэм мазаем и 15-м, нэгъуэщI щIыпIэхэм зауэм щыхэкIуэдахэм я фэеплъ
махуэм, Псыхуабэ, Черкесск щIыналъэхэм я архиепископ Феофилакт пэкIум хэтащ икIи
Налшык и зауэлI-интернационалистхэм я фэеплъым удз гъэгъахэр щытралъхьащ.
1989 гъэм мазаем и 15-м совет зауэлIхэр Афганистаным ирагъэкIыжащ. 2011 гъэм а
махуэр Урысейм фэеплъ махуэу щагъэуващ. Къэбэрдей-Балъкъэрым и зауэлI 1800-м
щIигъу илъэсипщIым къриубыдэу Афгнистаным щыIащ, 54-р хэкIуэдащ, 300-м щIигъу
мамыр гъащIэм ирихьэлIэу дунейм ехыжащ.
Фэеплъым деж властым и органым и лIыкIуэхэр, жылагъуэр, Афган зауэм хэтахэр
щызэхуэсащ. ПэкIур и кIэм щынэблагъэм абы хэкIуэдахэм зы дакъикъэкIэ хуэщыгъуащ
икIи фэеплъым удз гъэгъахэр тралъхьащ.