2023 гъэм мазаем и 14-м, Сретения махуэшхуэм и пэ къихуэу, Псыхуабэ, Черкесск
щIыналъэхэм я архиепископ Феофилакт Псыхуабэ и Спасскэ кафедрадьнэ члисэ
зэхуэхьэсам тхьэлъэIу щригъэIкуэIкащ щоджэнхэм я гъусэу. Щоджэн нэхъыщхьэм и
гъусэу Тхьэ елъэIуащ Псыхуабэ щыпсэхэмрэ абы и хьэщIэхэмрэ. Пастыр нэхъыщхьэм
тхьэлъэIур иригъэкIуэкIащ, махуэшхуэ Инджылым къеджащ, фIэщхъуныгъэ зиIэхэм
гъэнэхуа дагъэм щыщ щахуащ.
2023 гъэм мазаем и 15-м, Сретения махуэшхуэм, архиепископ Феофилакт
Сретенскэ члисэм и пащтыхь шэнтиуэ махуэшхуэр Налшык къалэм Магдалинэ Марие и
цIэр зезыхьэ члисэ зэхуэхьэсам щригъэкIуэIкащ. Щоджэн нэхъыщхьэм къулыкъур
драгъэкIуэкIащ Къэбэрдей-Балъкъэрым и щоджэнхэм щоджэн нэхъыжь Бобылев
Валентинрэ къардэн нэхъыжь Кубэ Димитрийрэ я пашэу. Литургие нэужьым
Щихънагъым махуэшхуэр игъэлъэпIащ, шэху уэздыгъэхэр игъэнэхуащ икIи
фIэщхъуныгъэ зиIэхэм узэщIыныгъэкIэ захуигъэзащ.