2023 гъэм мазаем и 8-м илъэсих ирикъуащ щоджэн нэхъыжь Кубэ Иоанн
дунейм зэрехыжрэ. Налшык округым и щоджэнхэм благочиннэ щоджэн
нэхъыжь Бобылев Валентинрэ къардэн нэхъыжь Кубэ Димитрийрэ я пашэу
щызэхуэсащ Прохладнэ къалэм и Никольскэ члисэм, благочинием и унафэщIыр,
щоджэныр ягу къагъэкIыжын папщIэ. Щоджэну зэрылэжьа илъэс 42-м щыщу
34-м Иоанн Никольскэ члисэм и унафэщIу щытащ. Щоджэнхэм я гъусэу Тхьэ
елъэIуащ екIуэлIапIэм кIуэхэмрэ Иоанн къыщIэхъуахэмрэ. ТхьэлъэIу литургие
нэужьым щоджэнхэр Тхьэ елъэIуащ щоджэныр щыщIалъхьэжа щIыпIэм деж.