Архиепископ Феофилакт щыIащ узыншагъэр щрагъэфIакIуэ «Заря» центрым

22.01.2023
Просмотры: 3360

2023 гъэм щIышылэм и 21-м Псыхуабэ, Черкесск щIыналъэхэм я архиепископ 
Феофилакт тхьэлъэIу литургиер щригъэкIуэкIащ Новопавловскэ къалэм и Петропавловскэ 
члисэм. Щоджэн нэхъыщхьэм къулыкъур драгъэкIуэкIащ Псыхуабэ епархием и 
Административнэ секретариатым и унафэщI щоджэн Яковенкэ Илия, Псыхуабэ епархием 
Новопавловскэ округым и щоджэнхэм благочиннэ, члисэм и унафэщI щоджэн Гордин 
Александр я пашэу. Литургие нэужьым Щихънагъым махуэшхуэр игъэлъэпIащ икIи 
фIэщхъуныгъэ зиIэхэм узэщIыныгъэкIэ захуигъэзащ. 
А махуэм архиепископ Феофилакт яIущIащ балигъ мыхъуахэм я узыншагъэр 
щрагъэфIакIуэ «Заря» центрым и егъэджакIуэхэмрэ гъэсэнхэмрэ. 2004 гъэ лъандэрэ 
центрыр мэлажьэ. Новопалвовск и екIуэлIапIэхэм я щоджэнхэр центрым и гъащIэм 
зэпымыууэ хэтщ. Языныкъуэ сабийхэр Тхьэм и Анэм и «Сретение» тхьэнапэм и цIэр 
зезыхьэ Владимирскэ члисэм и щIалэгъуалэ центрым макIуэ. 
Пастыр нэхъыщхьэм центрым зыщиплъыхьащ унафэщI Стасик Любовь и гъусэу. 
Абы гупым фIыщIэ яхуищIащ сабийхэм я нэIэ зэрытрагъэтым папщIэ. НыбжьыщIэхэм 
хьэщIэхэр концерт ирагъэплъащ. Щихънагъым цIыкIухэм саугъэтхэр яритащ икIи 
Успенскэ Второафонскэ Бештаурскэ цIыхухъу къулъшырыфым ирагъэблэгъащ. 

3360
Фотогалерея