Кисловодск къалэм Тхьэм папщIэ бэлыхь куэд зрагъэшэча Гливенкэ Димитрий и
цIэр зезыхьэ тхьэмахуэ школым Хъуромэ махуэшхуэр щекIуэкIащ. Чристэн Свято-
Никольскэ классическэ гимназием и тхьэмахуэ школым и гъэсэнхэм тхьэмахуэ школым и
унафэщI Синявская Татьянэрэ члисэ уэрэдхэр жыIэнымкIэ егъэджакIуэ Игнатенкэ Еленэрэ
махуэшхуэ концерт ягъэхьэзыращ, адэ-анэхэр зрагъэблэгъар.
Махуэшхуэр «Знамение» духовно-узэщIыныгъэ центрым щекIуэкIащ. Сабийхэм
уэрэдхэр жаIащ, усэ къеджащ. ИужькIэ Уае Дадэмрэ Уае Гуащэмрэ IущIащ, джэгуащ,
къэфащ.
Щоджэн нэхъыжь Чеканов Димитрий хьэщIэхэм махуэшхуэмкIэ ехъуэхъуащ,
Христос и Хъуромэм тепсэлъыхьащ, гъунэгъум дэIэпыкъун зэрыхуейр ягу къагъэкIыжащ.
Махуэшхуэ нэужьым сабийхэм Уае Дадэмрэ Уае Гуащэмрэ Псыхуабэ, Черкесск
щIыналъэхэм я архиепископ Феофилакт къыбгъэдэкI хъуромэ саугъэтхэр ирата нэужь,
махуэшхуэ Iэнэм тIысащ.