Кисловодск къалэм и Чристэн Свято-Никольскэ классическэ гимназием и
гъэсэнхэу япэ кассым кIуэхэр класс нэхъыжьхэм щIэсхэм гимназием хагъэгъуэзащ. Хабзэ
зэрыхъуауэ, тхьэлъэIу литургие нэужьым ар гъэ къэс къызэрагъэпэщ, гимназиер зыхэтыр.
Мы гъэми гимназием и гъэсэн псори Никольскэ члисэ зэхуэхьэсам Тхьэ щелъэIуащ, члисэ
уэрэдхэр жыIэнымкIэ егъэджакIуэ Синявская Татьянэрэ Игнатенкэ Еленэрэ я нэIэм щIэту
тхьэлъэIу литургиемрэ Хъуромэ колядкэхэмрэ ягъэзэщIащ.
ИужькIэ гимназием и унафэщI щоджэн нэхъыжь Знаменский Иоанн сабийхэм
ехъуэхъуащ икIи гимназием и дамыгъэмрэ и хабзэхэр къыщыхьамрэ тыгъэ хуищIащ.
УнафэщIым ныбжьыщIэхэр къыхуриджащ еджэну, адэ-анэхэм едэIуэну, Тхьэм и члисэр
фIыуэ ялъагъуну, гимназием и гъэсэнхэм я хабзэхэр къызэпамыудыну.
ТхьэлъэIу нэужьым гимназием и гъэсэн псори жорым лъэIэсащ, Патриаршэ
махуэгъэпсхэр тыгъэ къыхуащIащ. ИужькIэ унафэщIым и гъусэу сурэт зытрагъэхащ.