Кисловодск къалэм и Чристэн Свято-Никольскэ классическэ гимназием
Христос и Хъуромэм теухуа концерт щекIуэкIащ.
Махуэшхуэм щызэхуэсащ гимназием и унафэщI щоджэн нэхъыжь
Знаменский Иоанн, егъэджакIуэхэр, гимназием и гъэсэнхэмрэ абыхэм я адэ-
анэхэмрэ. Махуэшхуэм и пэ къихуэу хьэщIэхэм Хъуромэ тропарь жаIащ.
Гимназием и унафэщIым и арэзыныгъэкIэ артист ныбжьыщIэхэм
зыкъагъэлъэгъуащ. Гимназием и гъэсэнхэр усэ къеджащ, уэрэдхэр, колядкэхэр
жаIащ. ПэщIэдзэ классым щIэс дэтхэнэми театр теплъэгъуэ утыку кърихьащ. 1-4
классхэм щIэсхэр къытеувыIащ Христос дунейм къызэрытехьам, хъуромэ
уэрэдхэр жаIащ, члисэ уэрэдхэр жаIащ я унафэщI Игнатенкэ Еленэ и унафэм
щIэту.
Концерт нэужьым гимназием и гъэсэнхэр къэфащ, джэгуащ, уэрэд жаIащ,
къуажэхьхэр къащIащ Уае Дадэмрэ Уае Гуащэмрэ я гъусэу.
Махуэшхуэ нэужьым унафэщIыр махуэшхуэмкIэ ехъуэхъуащ абы
зыкърезыгъэхьэлIахэм, гуфIэгъуэ къызэрыратам папщIэ икIи гимназием и
унафэщI, Псыхуабэ, Черкесск щIыналъэхэм я архиепископ Феофилакт
къыбгъэдэкI хъуромэ саугъэтхэр сабийхэм иратащ.