2023 гъэм щIышылэм и 1-м Успенскэ Второафонскэ Бештаурскэ цIыхухъу
къулъшырыфым и Успенскэ члисэ зэхуэхьэсам къулъшырыфым и щоджэнархимандрит
Псыхуабэ, Черкесск щIыналъэхэм я архиепископ Феофилакт 2023 гъэм и япэ тхьэлъэIу
литургиер иригъэкIуэкIащ. Щоджэн нэхъыщхьэм къулыкъур драгъэкIуэкIащ Псыхуабэ
епархием и Административнэ секретариатым и унафэщI щоджэн Яковенкэ Илия,
къулъшырыфым и унафэщIым и къалэнхэр зыгъэзащIэ иеромонах Михаил (Гичко),
къардэн нэхъыжь Афанасий (Сапрыкин). ТхьэлъэIу уэрэдхэр жиIащ иеромонах Елевферий
(Казаков) зэригъакIуэ хорым. Пастыр нэхъыщхьэм и гъусэу Тхьэ елъэIуащ Кавказым и
Минводы и къалэхэм Тхьэ елъэIуну кIуахэр.
ТхьэлъэIу ектением архиепископ Феофилакт игу къыщигъэкIыжащ
къулъшырыфым и унафэщI архимандрит Силуан (Хараим). ТхьэлъэIу нэужьым
Щихънагъым къулъшырыфым и игумен Мелетий (Мягких) иритащ «За труды на благо
Пятигорской епархии» медалым и III нагъыщэр, къулъшырыфым щызэфIиха
лэжьыгъэхэмрэ ар къызэралъхурэ илъэс 65рэ зэрырикъумрэ папщIэ. ИужькIэ Пастыр
нэхъыщхьэм фIэщхъуныгъэ зиIэхэм узэщIыныгъэкIэ захуигъэзащ.