2022 гъэм дыгъэгъазэм и 28-м щихъ Столпник Симеон и цIэр зезыхьэ члисэ
Налшык къалэм тхьэлъэIукIэ ягу къыщагъэкIыжащ щоджэн нэхъыжь Остапчук Иоанн.
1971 гъэм щыщIэдзауэ Иоанн илъэс 25-кIэ Къэбэрдей-Балъкъэрым и чристэн члисэхэм
благочиннэ, щихъ Столпник Симеон и цIэр зезыхьэ и члисэм и унафэщI къулыкъухэр
щрихьэкIащ. Мы гъэм илъэс 25-рэ ирокъу ар дунейм зэрехыжрэ.
И псэр зэгъэн папщIэ тхьэлъэIур Налшык округым и щоджэнхэм я гъусэу
иригъэкIуэкIащ Псыхуабэ епархием и щоджэн, округым и благочиннэ щоджэн нэхъыжь
Бобылев Валентин. ТхьэлъэIу литургиемрэ къулыкъумрэ Тхьэ щелъэIуащ республикэм и
члисэхэм екIуалIэхэр, Иоанн и благъэхэр. ТхьэлъэIур къалэкхъэм щрагъэкIуэкIащ щоджэн
нэхъыжь Остапчук Иоанн щыщIалъхьэжам деж.