Георгий и кавалери 130-м я цIэр Черкесск и Никольскэ члисэ зэхуэхьэсам ягу къыщагъэкIыжащ

23.12.2022
Просмотры: 1949

Хэкум и хъумакIуэхэм я махуэм Черкесск къалэм и Никольскэ члисэ зэхуэхьэсам 
къыщызэIуахащ Баталпашинскэ станицэм и къэзакъхэм я цIэхэр къыщыхьа фэеплъ 
дапхъэхэр – Япэ дунейпсо зауэм и георгий кавалерхэр. Ар къыщызэIуахым зэхуэзащ 
щIыналъэм закон къыдэзыгъэкI и органхэм я депутатхэр, чристэн, муслъымэн цIыхухэр, 
жылагъуэ IуэхущIапIэхэм щыщхэр, зауэлIхэр, тхыдэджхэр, къэзакъхэр, къалэм и 
еджапIэхэм я еджакIуэхэмрэ студентхэмрэ, георгий и кавалерхэр, журналистхэр. 
Зэхыхьэм хэтхэм фIэхъускIэ захуигъэзащ Псыхуабэ епархием къэзакъхэм 
ядэлэжьэнымккIэ и къудамэм и унафэщI щоджэн нэхъыжь Фещенкэ Стефан, Псыхуабэ, 
Черкесск щIыналъэхэм я архиепископ Феофилакт и арэзыныгъэр лъэзыгъэIэсыжар икIи 
къыхуриджащ Хэкум и тхыдэмрэ абы и лIыхъужьхэмрэ зыщамыгъэгъупщэну. 
Отраднэ районым и зэгухьэныгъэм и унафэщI Немченкэ Сергей дзэ тхыдэдж 
Стрелянов Павел Георгий и кавалерхэм я докладым къеджащ. Баталпашинскэ станицэм и 
Георгий и кавалерхэм доклад ящIащ Баталпашинскэ къудамэм и къэзакъ щIалэгъуалэм я 
унафэщI Рябых Николай, Хабеков Умар и цIэр зезыхьэ Педколледжым и студентхэр. 
Свято-Сергиевскэ гимназием и еплIанэ классым щIэсхэр къеджащ Хэкум и хъумакIуэхэм 
ятеухуа усэхэм. 
ИужькIэ зэхыхьэм хэтхэм захуигъэзащ Никольскэ члисэ зэхуэхьэсам и ключарь 
щоджэн нэхъыжь Кузнецов Сергий, фэеплъ дапхъэхэм зи гуащIэ хэзылъхьахэм фIыщIэ 
яхуищIащ. Георгий и кавалерхэм мыкIуэдыжын фэеплъ зэраIэнур жаIащ. ЛIыхъужьи 130 
Члисэм и Тхыдэ музеймрэ къэзакъхэмрэ я цIэ къахэнащ.

 

1949
Фотогалерея