2022 гъэм дгыъэгъазэм и 20-м Псыхуабэ, Черкесск щIыналъэхэм я архиепископ
Феофилакт иригъэкIуэкIащ Епархием и советымрэ Псыхуабэ епархием и Епархие
зэхуэсымрэ я лэжьыгъэхэр.
Епархием и ЩIалэгъуалэ центрым щызэхуэсащ щоджэни 175-рэ, монаххэр, мамыр
цIыхухэр илъэсым кърикIуахэр зэхалъхьэжын, члисэ зэгухьэныгъэхэм теухуа Iуэхухэм
унафэ тращIыхьын папщIэ. ЯпэщIыкIэ зэхыхьэм хэтхэм ягъэIэпхъуащ Члисэ судым и
лэжьыгъэр икIи Епархием и советым дызыхуэкIуэ илъэсищым хагъэхьэнухэр хахащ. Абы
щыщ хъуащ: щоджэн нэхъыжьхэу Панасенко Алексий, Фещенко Стефан, Лиманов
Гермоген, Волошин Дмитрий, Кузнецов Сергий, Поддубный Михаил сымэ, нэгъуэщIхэри.
Зэхуэсым къыщыпсэлъащ архиепископ Феофилакт. Абы къыхигъэщащ Псыхуабэ
епархием и лэжьыгъэр зыхуэдэр икIи Донбасс къикIахэм ди щIыналъэм хуащI
дэIэпыкъуныгъэхэм зэрыхэхъуэр. Псыхуабэ епархием и члисэм екIуалIэ фIэщхъуныгъэ
зиIэхэр зэкъуэувэу мелуанихым щIигъу зэхалъхьащ абыхэм папщIэ. Щихънагъым
къыхигъэщащ епархием и социальнэ IуэхущIапIэхэмрэ екIуэлIапIэхэмрэ къалэхэм,
къуажэхэм, станицэхэм дэсхэм дэIэпыкъуныгъэхэр зэрыщыхуащIэр.
Пастыр нэхъыщхьэм гулъытэ хуищIащ узэщIыныгъэм, цIыхухэм нобэ шыIэныгъэ
зыхегъэлъхьэным. Тхьэр, КъегъэлакIуэ Христосщ щоджэным и псалъэ нэхъыщхьэ хъун
хуейр. ФIэщхъуныгъэ зиIэ чристэнхэм аращ шыIэныгъэ зыхалъагъуэр. «Дэ зы пэжщ диIэр.
Ди пэжыр – Христосщ», - ягу къигъэкIыжащ архиепископ Феофилакт. Щоджэн
нэхъыщхьэм ягу къигъэкIыжащ чристэнхэм зауэм хуаIэ еплъыкIэр, абы и хъумакIуэхэри
хыхьэу.
ИужькIэ зэхыхьэм хэтхэм я пащхьэм къыщыпсэлъащ епархием и къудамэм и унафэщIхэр.
Щихънагъым къата упщIэхэм жэуап иритащ.