2022 гъэм дыгъэгъазэм и 18-м юбилей зэхыхьэхэр зэхэтащ, Псыхуабэ къалэм и
Спасскэ кафедральнэ члисэ зэхуэхьэсар Москварэ Урысей псомрэ я Патриарх Кирилл
зэригъэнэхуам и щIыхькIэ.
Махуэшхуэ тхьэлъэIум и пэ къихуэу лъапIэныгъэр члисэм яхьащ. Апостол, щихъ
11-м я къарум щыщ Iыхьэхэм я ковчегымрэ щихъ апостол Богослов Иоанн и бэным щыщ
Iыхьэмрэ Урысейм и Президентым и полномочнэ лIыкIуэу КиФЩI-м щыIэ Чайкэ Юрий
щIыгъуу, Псыхуабэ, Черкесск щIыналъэхэм я архиепископ Феофилакт члисэм щIихьащ.
Махуэшхуэ тхьэлъэIу литургиер ирагъэкIуэкIащ Ставропольскрэ Невинномыскрэ я
митрополит Кирилл, Псыхуабэ, Черкесск щIыналъэхэм я архиепископ Феофилакт,
Мэхъэчкъалэрэ Грознэрэ я архиепископ Варлаам, Владикавказскрэ Аланскрэ я
архиепископ Герасим, Георгиевскрэ Прасковейскрэ я епископ Гедеон. Пастыр
нэхъыщхьэхэм къулыкъур драгъэкIуэкIащ Псыхуабэ епархием и щоджэнхэм
Административнэ секретариатым и унафэщI щоджэн Яковенкэ Илия я пашэу, гъунэгъу
епархиехэм къикIа хьэщIэхэм.
ТхьэлъэIум хэтащ епархием и къулъшырыфхэм къикIахэр, «Отрада» екIуэлIапIэ-
пансионатым и гъэсэнхэр, узыншагъэр щрагъэфIакIуэ «Остров» центрым щыщхэр,
къэзакъхэр, Псыхуабэ щыпсэухэр, зыгъэпсэхупIэм и хьэщIэхэр. Литургие нэужьым
хьэщIэхэм гуапэу фIэхъус ярихащ архиепископ Феофилакт. Щихънагъым и
гукъэкIыжхэмкIэ ядэгуэшащ зэхуэсахэм:
- Иужьрей илъэсипщIыр гугъэхэм я илъэст, ауэ лэжьыгъэ куэди зэфIэтхащ.
ИлъэсипщI ипэкIэ Патриарх ЛъапIэм и хъуэхъухэр зэхэтхащ члисэ гъащIэм теухуауэ.
Патриарх ЛъапIэр Урысей Ипщэм и щоджэн нэхъыщхьэхэм, политикэ лэжьакIуэ инхэм,
Кавказ Ищхъэрэм и щIыналъэхэм я Iэтащхьэхэм, дин лэжьакIуэхэм яIущIащ икIи Члисэм
и Iэтащхьэр зыхуэдэм хигъэгъуэзащ, Кавказ Ищхъэрэм и псэукIэр зригъэцIыхуащ.
ИлъэсипщI и пэкIэ жаIа псалъэхэр ягъэзэщIащ.
Члисэ зэхуэхьэсар ягъэнэхуа нуэжь и узэщIыныгъэм хыхьэу, 2012 гъэм Патриарх
Кирилл Тхьэм и нэфI зыщыхуа Кавказым щыпсэухэм захуигъэзат: ГукIи псэкIи
сынывохъуэхъу унафэщIхэми, щоджэнхэми, чристэнхэми, муслъымэнхэми, щIыналъэм
щыпсэу дэтхэнэми, - фи гум фIэщхъуныгъэр ивгъэлъыну, фи бынхэр абы щIэфпIыкIыну.
Нобэ дызыгъэгузавэ Iуэхухэм ящыщ куэд лъэныкъуэ тхуегъэзынущ абы щыгъуэ, сыту
жыпIэмэ, зи гум фIэщхъуныгъэ илъ цIыхум гуапагъэ ищIэнущи».
Гуапэу къызэрырагъэблэгъам папщIэ архиепископ Феофилакт фIыщIэ хуищIащ
митрополит Кирилл. Ставропольскэ митрополием и Iэтащхьэм къыхигъэщащ Урысейм и
Президентым и полномочнэ лIыкIуэу КИФЩI-м щыIэм и аппаратым и нэIэ
зэрытригъэтым мыхьэнэшхуэ зэриIэр, Патриарх ЛъапIэ Кирилл 2012 гъэм япэу
къызэрыкIуауэ щытар игу къигъэкIыжащ.
- Пэжу блэкIа илъэсипщIым лэжьыгъэшхуи тщIащ, хэщIыныгъи диIащ… Дауэ
хъуми, ар ди текIуэныгъэщ. Члисэм и лэжьыгъэм пещэ… Иджыпсту члисэ ухуэныгъэхэм я
зэманщ… узэщIыныгъэм гулъытэ хуэщIыпхъэщ, цIыхухэр члисэм къетшэлIэн папщIэ, -
жиIащ митрополит Кирилл.
Щоджэнхэм, монаххэм, мамыр цIыхухэм дамыгъэхэр иратыжащ. Архиепископ
Феофилакт хьэщIэхэр иригъэблэгъащ.