2022 гъэм дыгъэгъазэм и 12-м Псыхуабэ, Черкесск щIыналъэхэм я
архиепископ Феофилакт, Псыхуабэ епархием и гупхэм яхэту, Урысейпсо урыс
цIыхубэ члисэ зэхуэхьэса Ставрополь и XI пленарнэ зэхыхьэм Псыхуабэ епархием
и лIыкIуэхэм я пашэу хэтащ.
Ставрополь митрополием и сайтым хъыбар къызэрыщыхьамкIэ, зэхуэсым
епщIанэу зэхуишэсащ щIэныгъэлIхэр, политикхэр, волонтерхэр, къэзакъхэр, дин,
щэнхабзэ лэжьакIуэхэр, иджырей гъащIэм щыщ Iуэху зэIумыбзхэм тепсэлъыхьыну.
Зэрылажьэ илъэсипщIым къриубыдэу Ставрополь ВРНС-м щIыналъэ
эксперт ут фIэщыгъэр къыхуагъэфэщащ, урыс жылагъуэм и зыужьыныгъэм
ехьэлIа Iуэху зэIумыбзхэм щытепсэлъыхьу, урыс щэнхабзэр хъумэным,
нэгъуэщIхэм хуаIэ пыщIэныгъэхэм зрагъэубгъуу.
А махуэ дыдэм и пщыхьэщхьэм архиепископ Феофилакт пастыр
нэхъыщхьэхэм я гъусэу, Ставропольскрэ Невинномыскрэ я митрополит Кирилл
къулыкъу щыдащIащ Ставрополь къалэм и Андреевскэ члисэ зэхуэхьэсам и
къулыкъум хыхьэу.
Ставрополь митрополием и Iэтащхьэм апхуэдэу къулыкъур драгъэкIуэкIащ
Мэхъэчкъалэрэ Грозненскрэ я архиепископ Варлаам, Элистинскрэ Калмыцкрэ я
архиепископ Юстиниан, Гергиевскрэ Прасковейскрэ я епископ Гедеон, Старополь
митрополием и щоджэнхэм, щоджэн хьэщIэхэм.
2022 гъэм дыгъэгъазэм и 13-м, щихъ апостол Первозванный Андрей и
фэеплъ махуэм, Ставрополь къалэм и Къэзан кафедральнэ члисэ зэхуэхьэсам
зэхыхьэхэр щекIуэкIащ, Ставрополь митрополиер къызэрыунэхурэ илъэси 10
зэрырикъум и щIыхькIэ.
2022 гъэм илъэси 10 ирокъу Москварэ Урысей псомрэ я Патриарх Кирилл
япэу Ставрополь митрополием зэрыкIуэрэ. Урыс Чристэн Члисэм и Iэтащхьэм
гъэнэхун къулыкъур иригъэкIуэкIащ, Къэзан кафедральнэ члисэ зэхуэхьэсам
къызэригъэпэщар, XX лIэщIыгъуэм зэхакъутауэ щытар, Кавказым чристэн диныр
къыщыгъэщIэрэщIэжыным и дамыгъэ хъуар.
ТхьэлъэIу литургием хыхьэу махуэшхуэр митрополит Кирилл
драгъэкIуэкIащ: Псыхуабэ, Черкесск щIыналъэхэм я архиепископ Феофилакт,
Мэхъэчкъалэрэ Грозненскрэ я архиепископ Варлаам, Элистинскрэ Калмыцкрэ я
архиепископ Юстиниан, Георгиевскрэ Прасковейскрэ я епископ Гедеон,
Ставрополь митрополием и щоджэнхэм.
ТхьэлъэIу нэужьым митрополит Кирилл Псыхуабэ, Черкесск щIыналъэхэм я
архиепископ Феофилакт хъуэхъукIэ зыхуигъэзащ:
«Нобэ дигу къыдогъэкIыж члисэ зэхуэхьэсар зэрыдгъэнэхурэ илъэси 10
зэрырикъур, дэркIэ мыхьэнэшхуэ зиIэ – Ставрополь митрополиеер
къызэрыунэхурэ илъэси 10 зэрырикъумрэ. А Iуэхум Кавказым и члисэ гъащIэм
зригъэхъуэжащ», - къыхигъэщащ Щоджэн нэхъыщхьэм.
Ставрополь митрополиер илъэси 10 зэрырикъумкIэ щоджэнхэм
къабгъэдэкIыу щихънагъ Кирилл ехъуэхъуащ Кисловодск округым и благочиннэ,
Кисловодск къалэм Телъыджэ къэзыгъэхъу, щихъ Николай и цIэр зезыхьэ и члисэ
зэхуэхьэсам и щоджэн нэхъыжь Знаменский Иоанн.
Ставрополь митрополиер илъэси 10 зэрырикъумкIэ «Старопольский крест»
медалыр хуагъэфэщащ Псыхуабэ епархием и лIыкIуэхэм:
щоджэн нэхъыжь Знаменский Иоанн – Кисловодскэ округым и благочиннэр,
телъыджэ къэзыгъэхъу Николай и цIэр зэрихьэу Кисловодск къалэм дэт члисэ
зэхуэхьэсам и унафэщIыр;
щоджэн нэхъыжь Фещенко Стефан – ЕссэнтIыгу округым и благочиннэ,
ЕссэнтIыгу къалэм щихъ, телъыджэ къэзыгъэхъу Николай и цIэр зезыхьэ и члисэм
и унафэщIыр;
щоджэн Яковенко Илия – Псыхуабэ еапрхием и административнэ секретариатым
и унафэщI, Псыхуабэ къалэм щихъ Лазар и цIэр зезыхьэ члисэм и унафэщIыр.
Чечинэ Иринэ – Псыхуабэ епархием и бухгалтер нэхъыщхьэр.