Урыс Чристэн Члисэм и сайтым къызэрыщыхьамкIэ, 2022 гъэм УФ-м
ЩэнхабзэмкIэ и министерствэмрэ щэнхабзэ жэрдэмхэмкIэ Президент
фондымрэ я дэIэпыкъуэгъуу, дховнэ музыкэмкIэ «Свет христов» Патриаршэ
дунейпсо фестивалым и II Iыхьэр зэхэтащ.
Фестивалыр Москварэ Урысей псомрэ я Патриарх Кирилл и
арэзыныгъэкIэ 2021 гъэ лъандэрэ ирагъэкIуэкI. Музыкэ зэхуэсыр зэпеуэрэ
программэкIэ зэхэтщ: концертхэр, узэщIыныгъэ проектхэр, хорхэм я
пшыхьхэр, мастер-классхэр, семинархэр, конференцэхэр, къэрал, щIыналъэ
зэмылIэужьыгъуэхэм я концерт программэхэр къызэщIиубыдэу.
2022 гъэм фестивалыр траухуащ щихъ Радонижский Сергий и къарум
щыщ Iыхьэхэр къызэрыIэрыхьэрэ илъэс 600 зэрырикъум. Уысеймрэ
Белоруссиемрэ я къалэхэм концерт программэхэр щызэхэтащ: хор гупи 109-
рэ зыхэта зэпеуэ екIуэкIащ. Абы щыщу 25-р лауреат щыхъуауэ. Духовнэ
музыкэ нэхъыфIу зыгъэзащIэхэмрэ лауреатхэмрэ Москва ирагъэблэгъащ
фестивалым и кIэух зэпеуэм хэтыну.
Дыгъэгъазэм и 2-м, щихъ Филарет и фэеплъ махуэм, Москва и
митрополитым, духовнэ музыкэм и «Свет Христов» II Патриаршэ
фестивалым (регентыр УФ-м щIыхь зиIэ и артист Пузаков А.А.). хэтащ
тхьэлъэIу литургие Москварэ Урысей псомрэ я Патриарх Кирилл
иригъэкIуэкIам.
Дыгъэгъазэм и 3-м Москва КъегъэлакIуэ Христос и члисэ зэхуэхьэсам
и пэшым щагъэлъэпIащ фестивалым щытекIуахэр икIи кIэух концертыр
щызэхэтащ.
Фестивалым и «Большие смешанные хоры» унэтIыныгъэм и лауреат
хъуащ Псыхуабэ епархием и кафедральнэ члисэ зэхуэхьэсам и щоджэн
нэхъыщхьэм и хор КъегъэлакIуэ Христос и цIэр зезыхьэм и регент Кубэ
Аннэ, «Ансамбли» унэтIыныгъэм щытекIуащ Черкесск къалэм Телъыджэ
къэзыгъэхъу Николай и цIэр зезыхьэ и члисэ зэхуэхьэсам и хорыр. Регетыр
Сотниковэ Натальещ. Наталье къэпщытакIуэ гупым «Регентское мастерство»
унэтIыныгъэм пашэу къыщалъытащ.
Псыхуабэ, Черкесск щIыналэхэм я архиепископ Феофилакт гупхэмрэ
регентхэмрэ ехъуэхъуащ епархием и лIыкIуэхэм дамыгъэ лъапIэхэр
къызэрыхуагъэфэщам теухуа хъыбарыр зэхиха нэужь.