2022 гъэм щэкIуэгъуэм и 26-м Минводы къалэм и Къэзакъ тхыдэ-щэнхабзэ
центрым щекIуэкIащ Тэрч и щIэныгъэ-практикэ конференцэр, МГУ-м щIыхь зиIэ
и профессор Заседателевэ Лидэ и фэеплъым траухуар.
ЗэIущIэм зэхуишэсащ Москва, Екатеринбург, Ставрополь, Краснодар
крайхэм, Осетие Ищхъэрэ-Аланием, Дагъыстэным я щIэныгъэ лэжьакIуэхэр.
Конференцэм хэтхэм фIэхъус ирахащ Псыхуабэ епархием къэзакъхэм
ядэлэжьэнымкIэ и къудамэм и унафэщI щоджэн нэхъыжь Фещенкэ Стефан.
Щоджэным зэхыхьэр къызэзыгъэпэщахэмрэ хьэщIэхэмрэ архиепископ Феофилакт
и арэзыныгъэр ялъигъэIэсащ икIи конференцэм и лэжьыгъэр къехъулIэну
захуигъэзащ.
Пленарнэ зэIущIэ нэужьым секцэм и лэжьыгъэхэр и кIэм нагъэсащ икIи
къэзакъ музейм и экспозицэр ягъэлъэгъуащ, шэджэгъуашхэм ирагъэблэгъащ.