2022 гъэм щэкIуэгъуэм и 27-м Кисловодск къалэм апостол пэлъытэ, Иверием и
узэщIакIуэ Нинэ и цIэр зэрихьэу щаухуэ члисэм, Псыхуабэ епархием Кисловодск округым
щиIэ благочиннэ щоджэн нэхъыжь Знаменский Иоанн Кисловодск и члисэхэм я щоджэнхэм
я гъусэу фIыщIэ тхьэлъэIур иригъэкIуэкIащ. ТхьэлъэIум щызэхуэсащ члисэ ухуакIуэхэр,
къалэ-зыгъэпсэхупIэм щыпсэухэмрэ и хьэщIэхэмрэ.
ТхьэлъэIу нэужьым благочиннэм къызэхуэсахэм ялъигъэIэсащ Псыхуабэ, Черкесск
щIыналъэхэм я архиепископ Феофилакт и арэзыныгъэр, псоми махуэшхуэмкIэ ехъуэхъуащ
икIи члисэ ухуэныгъэмкIэ Тхьэр къадэIэпыкъуну, я фIэщхъуныгъэр ягъэбыдэну, апостол
пэлъытэ Нинэрэ щихъ Георгийрэ я нэIэ къытетыну захуигъэзащ. Иоанн члисэм иритащ
Кисловодск зи нэIэм щIэт щихъ, телъыджэ къэзыгъэхъу Николай и тхьэнапэр.
ИужькIэ яухуэ члисэм ихъуреягъым зэгъусэ тхьэлъэIу щрагъэкIуэкIащ.
Къызэхуэсахэм апухэдэу захуигъэзащ Кисловодскэ благочинием и щоджэн нэхъыжь
Лиманов Гермоген, члисэ ухуэныгъэм и тхьэлъэIум нэхъри зэрызэкъуигъэувэр къыхигъэщу.
Яухуэ члисэм и ктитор Лобжанидзе Павел Иоанн фIыщIэ хуищIащ Кисловодск и
куржы зэгухьэныгъэм зэрыдэIэпыкъум папщIэ, щихъ Нинэ и цIэр зезыхьэ члисэм Гиоргобэ
махуэшхуэм ирихьэлIэу Тхьэ щелъэIуну Iэмал зэраIэм папщIэ.