2022 гъэм щэкIуэгъуэм и 28-м Псыхуабэ епархием члисэ псапэ щIэнымрэ
социальнэ къулыкъухэр щIэнымкIэ и къудамэм и унафэщI щоджэн нэхъыжь Акименкэ
Сергий благочиннэм и дэIэпыкъуэгъухэмрэ епархием и социальнэ проектхэмкIэ
унафэщIхэмрэ яIущIащ. Щоджэнхэр тепсэлъыхьащ Iуэху зэIумыбзхэм икIи къытеувыIащ
2022 гъэм комиссэм къыпэщылъ лэжьыгъэхэм.
ИужькIэ зэхыхьэм хэтхэр онлайн-курсхэм я япэ дерсхэм хыхьащ епархием и
социальнэ къудамэхэм я унафэщIхэмрэ лэжьакIуэхэмрэ яхуэгъэзам. Ар иригъэкIуэкIащ
члисэ псапэ щIэнымрэ социальнэ къулыкъухэр лэжьынымкIэ Урыс Чристэн Члисэм и
къудамэм и епископ Пантелеимон. Курсым и дерсхэр тхьэмахуэм зэ екIуэкIынущ. Ар
къэзыуххэм зэреджам, я щIэныгъэм зэрыхагъэхъуам щыхьэт техъуэ тхылъхэр
иратыжынущ.