2022 гъэм щэкIуэгъуэм и 18-м Армавир къалэм щызэхуащIыжащ археологиемкIэ,
тхыдэмкIэ, Урысей Ипщэм музеймкIэ и «Лунинские чтения» урысейпсо щIэныгъэ-
практикэ конференцэр. Зэхуэсым хэтащ Москва, Сочэ, Дон Iус Ростов, Краснодар,
Армавир, Ставрополь, Курганинск, Белореченск, Тихорецк, Краснодар крайм и
станицэхэм щыщ щIэныгъэлхIэр. Конференцэр къызэрагъэпэщащ Армавир къалэ
администрацэмрэ Армавир и лъахэхутэ музеймрэ.
Конференцэм къыщыпсэлъащ Псыхуабэ епархием щихъхэр канон щIынымкIэ и
комиссэм и секретарь щоджэн Гурин Александр. Щоджэныр къытеувыIащ Къэбэрдей-
Балъкъэрым 1920-1930 гъэхэм чристэн щоджэнхэм я псэукIар. Члисэр зэхэзехуэн
зэращIам теухуа архив-следственнэ тхыгъэхэр, Налшык, Прохладнэ къалэхэм,
Котляревскэ, Троицкэ станицэхэм щоджэнхэм щаIэ щытыкIэм теухуаухэр япэу щIэныгъэм
хагъэхьащ.
Тхыгъэхэр къытехуащ РИНЦ-м и къыдэкIыгъуэм. Конференцэм хэтхэм къалэмрэ
лъахэхутэ музеймрэ зыщаплъыхьащ.
***
Лунин Виктор (1843-1913) урыс узэщIакIуэ цIэрыIуэщ, жылагъуэ, политикэ лэжьакIуэщ.
Армавир къалэм Жылагъуэ зэхуэс, ахъшэ зэхэдзэ, хуэмыщIахэм папщIэ ахъшэ зэхэдзэ,
юрист чэнджэщэгъу, пэщIэдзэ школ, гимназие, библиотекэ, музей, къалэм къыщызэIуаха
амбулаторэм и нэIэм щIэт сабийхэм щакIэлъыплъ зэгухьэныгъэ, аптекэ, тхылъ хъумапIэ,
нэгъуэщIхэри къыщызэригъэпэщауэ щытащ. Армавир къалэр къалэ хъун папщIэ куэд
зэфIихащ. Япэ Чристэн члисэ ухуэныгъэм, псэупIэншэхэм я унэр щIыным жыджэру хэтащ
ар. Лунин Виктор теухуа конференцэ Армавир япэу щокIуэкI.