2022 гъэм щэкIуэгъуэм и 3-м пщыхьэщхьэм, махуэшхуэм ирихьэлIэу,
Псыхуабэ, Черкесск щIыналъэхэм я архиепископ Феофилакт махуэшхуэ
тхьэлъэIур Псыхуабэ и Спасскэ кафедральнэ члисэ зэхуэхьэсам
щригъэкIуэкIащ. Щоджэн нэхъыщхьэм къулыкъур драгъэкIуэкIащ члисэм и
щоджэнхэм. Пастыр нэхъыщхьэм и гъусэу Тхьэ елъэIуащ къалэм щыпсэухэмрэ
зыгъэпсэхупIэм и хьэщIэхэмрэ.
ЩэкIуэгъуэм и 4-м, Тхьэм и Анэм и Къэзан тхьэнапэм, архиепископ
Феофилакт тхьэлъэIу литургие щригъэкIуэкIащ Юцэ къуажэм. Щоджэн
нэхъыщхьэм къулыкъур драгъэкIуэкIащ Псыхуабэ епархием Лермонтовскэ
округым и щоджэнхэм щоджэн нэхъыжь Фаустов Константинрэ къардэн
нэхъыжь Кубэ Димитрийрэ я пашэу.
Литургие нэужьым Тхьэм и Анэм фIэщхъуныгъэ зиIэхэм узэщIыныгъэкIэ
захуигъэзащ.