Кисловодск къалэм и Чристэн Свято-Никольскэ классическэ гимназием
щекIуэкIащ «На троне вечный был работник» щIэныгъэ-практикэ егъэджэныгъэ
конференцэр, Пётр I къызэралъхурэ илъэс 350-рэ зэрырикъум и щIыхькIэ.
Конференцэм хэтащ щоджэнхэр, Кисловодск къалэ администрацэм
егъэджэныгъэмкIэ и Управленэр, тхыдэмррэ чристэн щэнхабзэм и лъажьэмкIэ
егъэджакIуэхэр, къалэ школхэм я класс нэхъыжьхэм щеджэхэр, Чристэн
гимназием и егъэджакIуэхэр, еджакIуэхэр.
Конференцэм хэтхэм фIэхъус щарихым, гимназием и унафэщI щоджэн
нэхъыжь Знаменский Иоанн къыхигъэщащ Урысей тхыдэм и къэрал
лэжьакIуэшхуэм и мыхьэнэр.
Конференцэм и пэ къихуэу зыкъагъэлъэгъуащ къэзакъ ныбжьыщIэхэм я
ансамблым литературо-макъамэ теплъэгъуэ Пётр I теухуар утыку кърахьэри.
Пащтыхьым и лэжьыгъэхэмрэ абы и фэеплъыр хъума зэрыхъуамрэ
къытевыIащ епархием щихъхэр канон щIынымкIэ и комиссэм и унафэщI
иеромонах Елевферий (Казаков).
Конференцэм щIыхь зиIэ и хьэщIэщ тхыдэ щIэныгъэхэм я кандидат,
Псыхуабэ и лъахэхутэ музейм и унафэщI Савенкэ Сергей тепсэлъыхьащ Рим
бгым къыщагъуэта хъугъуэфIыгъуэхэмрэ Пётр I Кавказ Ищхъэрэм хуиIа
пыщIэныгъэхэмрэ.
Апхуэдэу еджакIуэхэм, Свято-Никольскэ гимназием и гъэсэнхэм,
егъэджакIуэхэм докладхэр ящIащ.
Конференцэм и лэжьыгъэр щызэухищIыжым унафэщIым фIыщIэ
хуищIащ доклад зыщIахэм, ахэр зэрыхьэзырыр къыхигъэщащ икIи хьэщIэхэм я
лэжьыгъэхэмкIэ Тхьэр къадэIэпыкъуну захуигъэзащ.