2022 гъэм жэпуэгъуэм и 23-м Псыхуабэ, Черкесск щIыналъэхэм я архиепископ
Феофилакт тхьэлъэIу литургие щригъэкIуэкIащ Псыхуабэ и Спасскэ кафедральнэ члисэ
зэхуэхьэсам. Щоджэн нэхъыщхьэм къулыкъур драгъэкIуэкIащ члисэ зэхуэхьэсам и
щоджэнхэм. Пастыр нэхъыщхьэм и гъусэу Тхьэ елъэIуащ къалэдэхэмрэ зыгъэпсэхупIэм и
хьэщIэхэмрэ. ХъыбарыфIхэр зэрыт тхылъ лъапIэм къыщыхьахэм къеджа нэужь
Щихънагъым фIэщхъуныгъэ зиIэхэм узэщIыныгъэкIэ захуигъэзащ.
Литургие нэужьым архиепископ Феофилакт «Фотолетопись Благословенного
Кавказа» зэпеуэм щытекIуахэр игъэлъэпIащ. Мы гъэм къэпщытакIуэ гупым
хэтхэм лэжьыгъэ нэхъыфIхэр бзылъхугъэхэм я Iэдакъэ къыщIэкIахэр арауэ
къилъытащ. НэхъыфIхэм ящыщщ: Жуковэ Маринэ, Ендовицкая Викторие,
Вдовинэ Валентинэ. Пастыр нэхъыщхьэм сертификатхэр яритащ епархием и
IуэхущIапIэм Санкт-Птебург и щIыпIэ лъапIэхэм Тхьэ елъэIуну зэригъэкIуэнум
теухуауэ.
Щихънагъ нэхъыщхьэр екIуэлIапIэм кIуэхэм щепсэлъащ Псыхуабэ
епархием и ЩIалэгъуалэ центрымм. Абы къыщызэIуахащ сурэт щIынымкIэ
зэпеуэм хагъэхьа лэжьыгъэхэм я гъэлъэгъуэныгъэ.