Къэрэшей-Шэрджэсым и къэралыгъуэр илъэси 100 щрикъум ирихьэлIэу
республикэм и члисэхэм къыщагъэщIэрэщIэж Кубань къэзакъыдзэм – георгий и
кавалерхэм я фэеплъыр.
Мы махуэхэм Япэ дунейпсо зауэм и лIыхъужьхэм я фэеплъым и дапхъэхэр
къыщызэIуахащ Сторожевой станицэм и Никольскэ члисэм.
ЗэIущIэм хэтащ Отраднэ районым и тхыдэ-архивистхэм я зэгухьэныгъэм и унафэщI
Немченкэ Сергей, станицэм и члисэм и унафэщI щоджэн нэхъыжь Кравченкэ Андрей,
станицэм щыпсэухэр, гъунэгъу частым къулыкъу щызыщIэхэр, Черкесск и хьэщIэхэр.
Мазэ зыбжанэкIэ Баталпашинскэ, Усть-Джегутинскэ, Зеленчукскэ,
Кардоникскэ, Сторожевой, Исправнэ станицэхэм я георгий кавалерхэм я цIэхэр
зэхигъэуващ Стрелянов Павел, Баталпашинскэ тхыдэ зэгухьэныгъэ Черкесск
къалэм и Никольскэ члисэ зэхуэхьэсам хэтхэр, щIэныгъэлI, лъахэхутэ цIыху 20
щIыгъуу. ЛIыхъужьхэм я цIэхэр къэгъэщIэрэщIэжыным пащэ.